O Pleno do Concello de Mos, na sesión do 23 de febreiro de 2026, adoptou os seguintes acordos:

Primeiro. Aprobar definitivamente o Plan especial de infraestruturas e dotacións para o equipamento sociosanitario en Tameiga, formulado por Doralresidencias Gestión Sociosanitaria, S.L., e desestimar as alegacións presentadas por Montes Veciñais en Man Común de Tameiga o 18.1.2014, polas razóns expostas no informe técnico municipal do 13.2.2026.

Segundo. Publicar a aprobación definitiva no Diario Oficial de Galicia, para os efectos do establecido no artigo 82.2 da Lei 2/2016, do 10 de febreiro, do solo de Galicia, e no artigo 199.2 do Decreto 143/2016, do 22 de setembro, polo que se aproba o Regulamento da dita lei. Esta publicación deberá realizarse no prazo dun mes desde a adopción da aprobación definitiva.

Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, e do artigo 209 do Decreto 143/2016, do 22 de setembro, polo que se aproba o Regulamento da Lei 2/2016, á consellería competente en materia de urbanismo, para a súa inscrición no Rexistro de Ordenación do Territorio e Planeamento Urbanístico de Galicia, achegando un exemplar en soporte dixital, debidamente dilixenciado.

Cuarto. Notificar individualmente a aprobación definitiva do plan especial ás persoas interesadas, xunto co informado sobre a desestimación das alegacións, e a todas as persoas titulares catastrais dos terreos afectados a quen xa se lles notificou a súa aprobación inicial, de conformidade co artigo 186.4 do Decreto 143/2016, do 22 de setembro, polo que se aproba o regulamento da Lei 2/2016, do 10 de febreiro, do solo de Galicia.

Para os efectos do disposto no punto segundo e terceiro da parte dispositiva deste acordo, a documentación íntegra aprobada definitivamente estará á disposición das persoas interesadas na ligazón:

https://concellomos-my.sharepoint.com/:f:/g/personal/documentacion_concellomos_es/IgAlNxiVVjPzQJoXWfK_ocsYAWcg_AZjeLWCWqX6Bom6GKE?e=pxHbKG

Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que se aproba unha disposición administrativa de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do seu regulamento), no prazo de dous meses contados a partir do día seguinte ao da publicación do anuncio ou da recepción da notificación do acordo, de conformidade co disposto nos artigos 10 e 46 da Lei 29/1998, do 13 de xullo, da xurisdición contencioso-administrativa. Todo isto sen prexuízo de que se poida interpoñer calquera outro recurso que se entenda máis procedente e sexa conforme ao dereito.

Mos, 24 de febreiro de 2025

Nidia María Arévalo Gómez
Alcaldesa