No Boletín Oficial da provincia da Coruña (BOP) núm. 34, do 20 de febreiro de 2026, foi publicado o anuncio da resolución pola que se convoca novamente a provisión en propiedade da praza vacante deste concello coas seguintes características:

– 1 (unha) praza vacante de persoal funcionario de carreira da escala de administración xeral, auxiliar, grupo C, subgrupo C2 de clasificación, denominada: auxiliar administrativo.

Sistema selectivo: oposición en quenda reservada a persoas con discapacidade.

As bases específicas que van rexer a convocatoria foron publicadas integramente no BOP núm. 185, do 29 de setembro de 2025, e as bases xerais no BOP núm. 104, do 30 de maio de 2024.

O prazo de presentación de solicitudes será de 20 días naturais contados desde o seguinte ao da publicación do anuncio da convocatoria no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos na forma prevista nas propias bases.

Sada, 23 de febreiro de 2026

Óscar Benito Portela Fernández
Alcalde