Jesús González Castro, con DNI 33668560X e nado en Ourol (Lugo) o 21 de setembro de 1926, faleceu o 10 de setembro de 2015 en Burela (Lugo), con derradeiro domicilio, segundo o padrón municipal de habitantes, no lugar do Goio, Ourol, datos que figuran comprobados, xunto co da súa veciñanza civil galega no Informe preliminar, do 12 de marzo de 2026, do Servizo de Protección e Defensa Patrimonial da Subdirección Xeral do Patrimonio. O devandito informe foi emitido logo da realización das actuacións previas que levan a considerar procedente a apertura do procedemento administrativo para a declaración da Comunidade Autónoma de Galicia como herdeira ab intestato desta persoa causante, dada a presunta ausencia doutros herdeiros con dereito a suceder preferente ao da Administración autonómica, de conformidade co disposto na Lei 2/2006, de dereito civil de Galicia.

Segundo o anterior, en exercicio das competencias atribuídas á Dirección Xeral de Simplificación Administrativa e do Patrimonio no artigo 4 da Lei 6/2023, do patrimonio da Comunidade Autónoma de Galicia, e no seu título III, así como nos artigos 14 e 16 do Decreto 141/2024, polo que se establece a estrutura orgánica da Consellería de Facenda e Administración Pública,

RESOLVO:

Primeiro. Incoar o procedemento para a declaración da Comunidade Autónoma de Galicia como herdeira ab intestato de Jesús González Castro.

Segundo. Publicar a presente resolución no Boletín Oficial del Estado, no Diario Oficial de Galicia e na páxina web da Consellería de Facenda e Administración Pública, Área Temática de Patrimonio, Anuncios, que se poderá consultar na seguinte ligazón: http://www.conselleriadefacenda.es/areas-tematicas/patrimonio/anuncios

Terceiro. Remitir a presente resolución aos concellos de Ourol, Viveiro e Burela, así como a calquera outro en que durante a instrución deste procedemento se detecten bens da persoa causante, para a súa exposición pública nos seus taboleiros de anuncios, durante un prazo non inferior a trinta (30) días naturais.

O prazo máximo ordinario para resolver este procedemento é dun ano, contado desde a data de adopción da presente resolución.

Con anterioridade á resolución do procedemento, calquera persoa interesada poderá presentar alegacións ou achegar os documentos e outros elementos de xuízo que considere oportunos, que se dirixirán á Consellería de Facenda e Administración Pública, Dirección Xeral de Simplificación Administrativa e do Patrimonio, Subdirección Xeral do Patrimonio, código de expediente ABI/2018/0065, rúa Pastoriza, 8, 15781 Santiago de Compostela.

Conforme o previsto no artigo 112.1, parágrafo segundo, da Lei 39/2015, do procedemento administrativo común das administracións públicas, contra a presente resolución non se poderá interpor recurso administrativo, sen prexuízo de que as alegacións de oposición que se presenten a este acto de trámite sexan obxecto de consideración, se procede, na resolución que poña fin ao procedemento.

Santiago de Compostela, 13 de marzo de 2026

José María Barreiro Díaz
Director xeral de Simplificación Administrativa e do Patrimonio