En cumprimento do previsto no artigo 144.3 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de modificación de concesión de augas:

Solicitante: Comunidade de Usuarios de Calvos.

Expediente: DH.A36.73317.

Destino: abastecemento.

Orixe: pozo na parcela 10 do polígono 1 do catastro de Fornelos de Montes.

Lugar: A Alén de Abaixo.

Parroquia: Calvos.

Concello: Fornelos de Montes.

Descrición:

A modificación consiste na apertura dun novo pozo para substituír ao outorgado na concesión orixinal coa denominación Pereiro da Cadela, 1, inutilizado por avaría.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 6 de marzo de 2026

Susana Pérez González
Xefa do Servizo Territorial da Zona Hidrográfica de Galicia Sur