Conforme o establecido no artigo 25 da Orde do 21 de abril de 2025 pola que se aproban as bases reguladoras da concesión de subvencións, en réxime de concorrencia competitiva, para a execución de microproxectos de cooperación para o desenvolvemento no exterior promovidos polos axentes de cooperación e se convocan para o ano 2025, unha vez ultimada a concesión de axudas, publicarase no Diario Oficial de Galicia a relación das concedidas, con expresión da convocatoria, o programa e o crédito orzamentario a que se imputen, o beneficiario, a cantidade concedida e a finalidade ou finalidades da subvención.

Na súa virtude,

RESOLVO:

Publicar no Diario Oficial de Galicia as axudas concedidas pola Resolución do director xeral de Relacións Exteriores e coa Unión Europea, do 15 de xullo de 2025, en virtude da delegación establecida na disposición adicional primeira da Orde do 21 de abril de 2025 (DOG núm. 86, do 7 de maio), que se relacionan no anexo:

– 5 microproxectos de cooperación para o desenvolvemento no exterior promovidos polos axentes de cooperación por un importe global de cento corenta e tres mil seiscentos sesenta e oito euros con trinta e sete céntimos (143.668,37 €) con cargo á aplicación orzamentaria 05.07.331A.490.0 dos orzamentos da Comunidade Autónoma de Galicia para 2025 nas contías, beneficiarios e finalidade que se relacionan no anexo desta resolución.

Santiago de Compostela, 25 de marzo de 2026

Jesús Gamallo Aller
Director xeral de Relacións Exteriores e coa Unión Europea

ANEXO

Axudas para microproxectos

Nº expte.	Entidade solicitante	Denominación proxecto	Orzamento total	Subvención solicitada	Subvención concedida
PR804B 2025-5	Beyond Suncare	Ponte na súa pel: mellora da saúde dermatolóxica e mental das persoas con albinismo de Ruanda	54.734,29	29.995,68	29.995,68
PR804B 2025-11	CIDEL Galicia	Liderado xuvenil para fortalecer a articulación comunitaria e municipal na promoción da igualdade de xénero e prevención das violencias nos municipios de Sabana Iglesia, Baitoa e Santiago de los Caballeros, República Dominicana	34.212,47	30.000,00	30.000,00
PR804B 2025-3	Cooperación Internacional	Aulas conectadas para un futuro mellor en 8 escolas de Cantel, Quetzaltenango, Guatemala	38.250,00	30.000,00	30.000,00
PR804B 2025-4	Asociación Egueire	Ampliación da maternidade de Nadibu con enfoque de xénero: mellora da atención integral a mulleres e neonatos, Costa de Marfil	24.918,89	23.672,94	23.672,94
PR804B 2025-1	Asociación Busca e Rescate Integral en Emerxencias de Galicia-Briegal	Fortalecemento transfronteirizo da xestión de emerxencias ante inundacións e riadas nas rexións do sur de Perú, coa participación de equipos de Bolivia	38.553,12	29.999,75	29.999,75
Total				143.668,37	143.668,37