O Xurado Provincial de Clasificación de Montes Veciñais en Man Común de Pontevedra resolveu, na súa reunión do 24.2.2026, aprobar o deslindamento parcial entre as comunidades de montes veciñais en man común (CMVMC) de Marcón (Pontevedra) e A Reigosa (Ponte Caldelas), con base nos seguintes feitos e consideracións técnicas.
Antecedentes e consideracións técnicas:
Primeiro. O 19.8.2025, a representación da CMVMC de Marcón presentou a solicitude de deslindamento entre a CMVMC de Marcón (Pontevedra) e a CMVMC da Reigosa (Ponte Caldelas).
Os montes veciñais en man común (en diante MVMC) afectados por este deslindamento son:
– MVMC de Loureda, Pazos, Costa de Barcia, Monte de Carrasco, Beleitar e Portela (ID monte: 2952) da CMVMC de Marcón.
– MVMC de Reigosa (ID monte: 3069) da CMVMC da Reigosa.
Consta no expediente a seguinte documentación do deslindamento, consonte o artigo 53 da Lei 7/2012, do 28 de xuño, de montes de Galicia (LMG):
– Acta do apeo do 9.6.2025.
– Certificado do secretario da CMVMC de Marcón, coa conformidade do presidente do 15.6.2025, da aprobación na asemblea xeral extraordinaria do 15.6.2025.
– Certificado do secretaria da CMVMC de Reigosa, coa conformidade do presidente de 15.6.2025, da aprobación na asemblea xeral extraordinaria do 15.6.2025.
– Demanda e acta de conciliación do 3.7.2025 no Xulgado de Paz de Ponte Caldelas (Auto 39/2025)
– Memoria descritiva, asinada o 18.8.2025 polo enxeñeiro técnico forestal colexiado núm. 296 do COETF de Galicia, co plano de deslindamento e a cartografía en formato dixital no Datum ETRS89/UTM zona 29N EPSG: 25829 dos puntos medidos.
– Informe de validación gráfica catastral con CSV: A1NA37299FJMHC4V e RP6V417BRYW1BJTQ.
Segundo. Os puntos en coordenadas ETRS89 (zona 29N), levantados no campo de acordo coas dúas comunidades e que se corresponden con puntos identificados con fitos sobre o terreo son os seguintes:
|
Punto |
UTMX |
UTMY |
|
1 |
533.329,09 |
4.693.611,60 |
|
2 |
533.479,43 |
4.693.813,55 |
|
3 |
533.828,99 |
4.694.227,89 |
|
4 |
533.851,84 |
4.694.253,72 |
Terceiro. A liña de deslindamento proposta ten unha lonxitude de 828 m (0,83 km) e vén descrita por un único tramo que percorre en liña recta os puntos 1-2-3-4 descritos no antecedente segundo.
Revisada a cartografía das resolucións de clasificación de ambos os MVMC, detéctase que existe lindancia. O deslindamento non afecta terceiros propietarios.
A liña de deslindamento produce modificacións na cartografía dos esbozos de clasificación, polo que se presenta un axuste do esbozo da CMVMC da Reigosa. A CMVMC de Marcón ten unha revisión de esbozo (exp. RE25037) que se axusta a este deslindamento.
O Servizo de Montes considera que a solicitude se axusta ao establecido no artigo 53 da LMG, polo que propón que o Xurado aprobe o deslindamento segundo a liña presentada.
Cuarto. O artigo 53 da LMG establece que o Xurado Provincial de Clasificación de Montes Veciñais en Man Común, logo do exame da documentación presentada, ditará unha resolución que será publicada no Diario Oficial de Galicia e notificada ás comunidades interesadas.
Á vista do exposto, este xurado
RESOLVE:
Aprobar o deslindamento parcial entre as CMVMC de Marcón (Pontevedra) e A Reigosa (Ponte Caldelas), nos termos antes indicados.
Contra esta resolución, que pon fin á vía administrativa, poderase interpoñer recurso de reposición perante o Xurado Provincial de Clasificación de MVMC de Pontevedra no prazo dun mes, de acordo co disposto nos artigos 123 e 124 LPAC, ou ben interpoñer directamente recurso contencioso-administrativo perante o Xulgado do Contencioso-Administrativo no prazo de dous meses, de acordo cos artigos 8 e 46 da LXCA.
Pontevedra, 18 de marzo de 2026
Antonio Crespo Iglesias
Presidente do Xurado Provincial de Clasificación
de Montes Veciñais en Man Común