A Orde do 2 de xullo de 2025 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa dos nenos e nenas da Comunidade Autónoma de Galicia en escolas infantís 0-3 para o curso 2025/26 e se procede á súa convocatoria (código de procedemento BS420C), establece no seu artigo 2 que ás axudas obxecto desta convocatoria se destina un orzamento total de 47.097.512 euros, coa seguinte desagregación:

Aplicación orzamentaria	Código de proxecto	Ano 2025	Ano 2026	Total
08.02.312B.470.2	2020.00052	12.837.990,00 €	22.466.483,00 €	35.304.473,00 €
08.02.312B.481.3	2020.00052	4.288.377,00 €	7.504.662,00 €	11.793.039,00 €
Total		17.126.367,00 €	29.971.145,00 €	47.097.512,00 €

A devandita orde sinala no seu artigo 2.2 que o crédito consignado nas aplicacións orzamentarias indicadas na anterior táboa terán excepcionalmente a consideración de créditos ampliables, tal e como se establece no artigo 7.Un.s) da Lei 4/2024, do 27 de decembro, de orzamentos xerais da Comunidade Autónoma de Galicia para o ano 2025.

Sinala, ademais, que o incremento dos créditos indicados no cadro anterior queda condicionado á declaración da súa dispoñibilidade logo da aprobación da modificación orzamentaria que proceda. A ampliación do crédito publicarase nos mesmos medios que a convocatoria sen que implique a apertura de prazo para presentar novas solicitudes nin o inicio de novo cómputo de prazo para resolver.

De conformidade co exposto, mediante a Orde do 22 de decembro faise público o incremento de crédito das axudas previstas na Orde do 2 de xullo de 2025 en 75.582,84 € na aplicación orzamentaria 08.02.312B.481.3 e código de proxecto 2020.00052 para a anualidade 2025, resultando a seguinte distribución:

Aplicación orzamentaria	Código de proxecto	Ano 2025	Ano 2026	Total
08.02.312B.470.2	2020.00052	12.837.990,00 €	22.466.483,00 €	35.304.473,00 €
08.02.312B.481.3	2020.00052	4.363.959,84 €	7.504.662,00 €	11.868.621,84 €
Total		17.201.949,84 €	29.971.145,00 €	47.173.094,84 €

Dada a insuficiencia de crédito da Orde do 2 de xullo de 2025 debida ao aumento do número de nenos/as beneficiarios da gratuidade da atención educativa, é necesario incrementar a aplicación orzamentaria 08.02.312B.481.3 en 88.200 euros na anualidade de 2026 para atender todo o alumnado que solicita praza nas escolas 0-3 da Comunidade Autónoma.

Con este incremento preténdese dar cumprimento a un dos obxectivos do Programa de apoio á natalidade posto en marcha pola Xunta de Galicia, que é facilitarlle á cidadanía o acceso a recursos de educación infantil de calidade e constituír, estes recursos, un piar esencial para facilitar a conciliación da vida familiar e laboral.

Por todo o exposto e no uso das facultades que me foron conferidas,

RESOLVO:

Artigo único. Incremento dos créditos

Increméntase o crédito destinado ao financiamento das axudas previstas na Orde do 2 de xullo de 2025 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa dos nenos e das nenas da Comunidade Autónoma de Galicia en escolas infantís 0-3 para o curso 2025/26 e se procede á súa convocatoria (código de procedemento BS420C).

O importe total do dito incremento, que se realizará na aplicación orzamentaria 08.02.312B.481.3 na anualidade de 2026, é o seguinte:

Código de proxecto	Ano 2026
2020-00052	88.200 €

A publicación desta orde non supón a apertura dun novo prazo de presentación de solicitudes.

Disposición derradeira única. Entrada en vigor

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 6 de abril de 2026

Fabiola García Martínez
Conselleira de Política Social