En liña coa decidida aposta da Escola Galega de Administración Pública (EGAP) polo uso de modernas modalidades de formación e metodoloxías de ensino, esta convocatoria supón a consolidación do programa de autoformación, programa iniciado no ano 2013 e que, verificada a súa ampla aceptación entre as persoas destinatarias, este ano renova os seus contidos formativos para incluír novos temas de interese.

A autoformación oriéntase cara á adquisición de coñecementos e habilidades de xeito autónomo, pois a persoa participante asume un papel activo no proceso de aprendizaxe a través do emprego das tecnoloxías da información e da comunicación. Ao mesmo tempo, esta modalidade permite achegar as actividades da Escola a un maior número de persoas ao servizo da Administración, especialmente a aquelas que, por barreiras xeográficas ou razóns de conciliación, non poden optar pola modalidade presencial. Ademais, con este programa procúrase unha maior independencia do alumnado para elaborar o seu propio plan de aprendizaxe, sen o condicionamento dos prazos.

Polo demais, o programa de autoformación continúa efectuando unha oferta formativa conxunta e, en tal sentido, diríxese a todo o persoal ao servizo das diferentes administracións da Comunidade Autónoma, mediante a oferta dun amplo abano de cursos relativos a diferentes áreas formativas que facilitan a capacitación para o desenvolvemento eficiente de calquera posto de traballo.

As persoas que desexen participar no programa de autoformación dispoñen de dúas opcións, compatibles entre elas pero independentes unha da outra: por unha banda, poden acceder aos contidos das actividades sen máis trámite que o de inscribirse na zona de matrícula da EGAP, tal e como se prevé no anexo I. Por outra banda, poden solicitar presentarse ás probas de avaliación reguladas no anexo II, que lles ofrecen a posibilidade de acreditar a súa competencia mediante a obtención dun certificado de equivalencia.

Cómpre ter en conta que o acceso aos contidos non implica a obriga de presentarse ás probas de avaliación, nin é tampouco un requisito para matricularse nelas, pero só as persoas que se matriculen nas probas de avaliación e as superen teñen dereito a obter un certificado de equivalencia, que ten o mesmo valor que un de aproveitamento. En concreto, as probas de avaliación superadas nesta modalidade de formación valoraranse conforme o que establezan as bases dos procesos que convoque, no seu día, a Dirección Xeral de Emprego Público e Administración de Persoal.

Por todo o exposto, e en execución do Plan de formación 2026 da EGAP,

RESOLVO:

Convocar as actividades do programa de autoformación que figuran nesta resolución, que se deberán desenvolver segundo as bases detalladas nos anexo I e II.

Santiago de Compostela, 10 de abril de 2026

Sonia Rodríguez-Campos González
Directora da Escola Galega de Administración Pública

ANEXO I

Contidos das actividades do programa de autoformación

Bases

Primeira. As actividades de contidos

1. As actividades de contidos do programa de autoformación son as seguintes:

Código	Actividade
AF26001	A calidade da redacción administrativa. Técnicas para unha boa redacción dos documentos administrativos-Contidos
AF26002	A cidadanía e as administracións públicas: dereitos e obrigas-Contidos
AF26003	A educación emocional como ferramenta para promover a igualdade-Contidos
AF26004	A protección do menor ante os medios de comunicación-Contidos
AF26005	A regulación da intelixencia artificial na Administración pública-Contidos
AF26006	A responsabilidade patrimonial da Administración pública-Contidos
AF26007	A xurisdición contencioso-administrativa-Contidos
AF26008	Análise normativa da xestión de indemnizacións por razón de servizo-Contidos
AF26009	Aplicación práctica da normativa de emprego público na Comunidade Autónoma de Galicia-Contidos
AF26010	Aplicacións informáticas de bases de datos relacionais (LibreOffice Base)-Contidos
AF26011	Aplicacións informáticas de follas de cálculo (LibreOffice Calc)-Contidos
AF26012	Aplicacións informáticas de follas de cálculo (Microsoft Office 2019)-Contidos
AF26013	Aplicacións informáticas de tratamento de textos (LibreOffice Writer)-Contidos
AF26014	Aplicacións informáticas de tratamento de textos (Microsoft Office 2019)-Contidos
AF26015	Aplicacións informáticas para presentacións gráficas de información (LibreOffice Impress)-Contidos
AF26016	Aproximación á violencia de xénero-Contidos
AF26017	Autoxestión emocional e saúde mental no traballo-Contidos
AF26018	Básico de subvencións e normativa aplicable-Contidos
AF26019	Básico en prevención de riscos laborais-Contidos
AF26020	Cambio e motivación nas organizacións-Contidos
AF26021	Ciberviolencias sexistas-Contidos
AF26022	Conciliación da vida persoal, familiar e laboral-Contidos
AF26023	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-Contidos
AF26024	Destrezas persoais e xestión do cambio-Contidos
AF26025	Diagnóstico do clima organizacional. A optimización do recurso humano-Contidos
AF26026	Igualdade e prevención e loita contra a violencia de xénero. Nivel básico-Contidos
AF26027	Incompatibilidades do persoal empregado público de Galicia-Contidos
AF26028	Introdución á protección de datos persoais e garantía dos dereitos dixitais-Contidos
AF26029	Introdución á Unión Europea e ao seu dereito-Contidos
AF26030	Introdución ao dereito ambiental europeo-Contidos
AF26031	Introdución ao dereito da Unión Europea para os xestores públicos-Contidos
AF26032	Introdución ás políticas públicas: deseño, implementación e avaliación-Contidos
AF26033	Lei 16/2010, do 17 de decembro, de organización e funcionamento da Administración xeral e do sector público autonómico de Galicia-Contidos
AF26034	Lei 39/2015, do 1 de outubro, do procedemento administrativo común das administracións públicas-Contidos
AF26035	Lei 4/2019, do 17 de xullo, de administración dixital de Galicia-Contidos
AF26036	Lei 40/2015, do 1 de outubro, de réxime xurídico do sector público-Contidos
AF26037	Lei xeral orzamentaria-Contidos
AF26038	Linguaxe administrativa non sexista e imaxe igualitaria na práctica da xestión pública-Contidos
AF26039	Marco lexislativo específico e xeral sobre os dereitos das persoas con discapacidade e a súa inclusión social-Contidos
AF26040	O exercicio da competencia administrativa na Lei 40/2015, do 1 de outubro-Contidos
AF26041	O persoal laboral ao servizo da Xunta de Galicia: V Convenio colectivo único de persoal laboral-Contidos
AF26042	Organización e simplificación do traballo administrativo-Contidos
AF26043	Políticas públicas para a igualdade efectiva entre mulleres e homes-Contidos
AF26044	Prestacións da Seguridade Social e cotizacións-Contidos
AF26045	Prevención de riscos laborais desde a perspectiva de xénero-Contidos
AF26046	Prevención de riscos laborais en oficinas e despachos-Contidos
AF26047	Prevención de riscos psicosociais: o estrés laboral-Contidos
AF26048	Prevención e xestión de conflitos-Contidos
AF26049	Protocolo institucional na Administración pública-Contidos
AF26050	Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público-Contidos
AF26051	Reutilización da información do sector público. Open Data-Contidos
AF26052	Revisión dos actos en vía administrativa-Contidos
AF26053	Réxime disciplinario do empregado público de Galicia-Contidos
AF26054	Sensibilización e prevención da violencia de xénero-Contidos
AF26055	Servizo de correo electrónico corporativo da Xunta de Galicia-Contidos
AF26056	Sexting, sextorsión, violencia de xénero dixital-Contidos
AF26057	Técnicas efectivas para preparar presentacións-Contidos
AF26058	Técnicas elementais de arquivos-Contidos
AF26059	Tramitación de expedientes de contratación na Administración autonómica-Contidos
AF26060	Transparencia: acceso á información pública e publicidade activa-Contidos
AF26061	Uso avanzado de aplicacións informáticas de follas de cálculo (LibreOffice Calc)-Contidos
AF26062	Uso avanzado de aplicacións informáticas de tratamento de textos (LibreOffice Writer)-Contidos
AF26063	Violencia de xénero na adolescencia e xuventude-Contidos

2. Cada unha das actividades está composta de contidos multimedia actualizados, material complementario e, debido a que non existe a figura do/da titor/a, cuestionarios de corrección automática, que facilitan unha aprendizaxe autónoma máis efectiva.

Segunda. Acceso aos contidos

1. Todo o persoal destinado ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e o persoal técnico, de xestión e de administración e servizos (PTXAS) das universidades do Sistema universitario de Galicia (SUG) que reúna os requisitos establecidos nesta convocatoria e, concretamente, na base primeira do anexo II, pode acceder aos contidos das actividades do programa de autoformación, sen pasar por un proceso de selección, inscribíndose na zona de matrícula da EGAP, no enderezo <https://egap.xunta.gal/matricula>.

2. A inscrición para o acceso aos contidos poderá facerse en calquera momento a partir do dia 28 de abril de 2026, día seguinte ao da finalización do prazo de matrícula da proba de avaliación das actividades do programa de autoformación.

Poderase acceder aos ditos contidos na aula virtual da EGAP desde a inscrición de acceso ata o 30 de decembro de 2026, agás para o seguinte contido, que estará dispoñible a partir do día 1 de outubro de 2026.

AF26009: Aplicación práctica da normativa de emprego público na Comunidade Autónoma de Galicia.

Poderase acceder ao dito contido na aula virtual da EGAP.

Os/as participantes deberán dispoñer do software que se poida requirir na actividade convocada.

3. Cada persoa determinará libremente o número de actividades nas cales se queira inscribir e o período durante o cal vai traballar na actividade ou actividades do programa de autoformación elixidas.

4. A EGAP adoptará as medidas necesarias para facilitar a inscrición. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 53, 981 54 62 54, 981 54 62 57, 981 54 63 35, 981 54 62 73 e 881 99 70 44, ou no enderezo de correo electrónico <xestion.egap@xunta.gal> en horario de atención ao público (das 9.00 ás 14.00 horas).

5. Unha vez inscrita, a persoa recibirá unha mensaxe de correo electrónico de confirmación e despois poderá acceder aos contidos da actividade ou actividades na aula virtual, no enderezo <https://egap.xunta.gal/aulavirtual>.

6. O acceso aos contidos das actividades do programa de autoformación non implica a obriga de presentarse ás probas de avaliación reguladas no anexo II, nin é tampouco un requisito para matricularse nelas.

7. Dado que o acceso aos contidos é voluntario, non se tramitarán renuncias.

8. O acceso aos contidos das actividades do programa de autoformación non dá dereito á expedición do certificado regulado na base novena do anexo II.

ANEXO II

As probas de avaliación das actividades do programa de autoformación

Bases

Primeira. Participación nas probas

1. Pode participar nas probas de avaliación das actividades do programa de autoformación o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e o persoal técnico, de xestión e de administración e servizos (PTXAS) das universidades do Sistema universitario de Galicia (SUG) que se encontre en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e reúna os requisitos establecidos nesta convocatoria. Está exceptuado o persoal docente da Consellería de Educación, Ciencia, Universidades e Formación Profesional, o persoal das escalas dos corpos da policía de Galicia e bombeiros, e o persoal do Servizo Galego de Saúde, non entendendo por tal o persoal empregado público da escala de saúde pública e administración sanitaria, creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

Segunda. Prazas convocadas, horas certificadas, datas, lugar e horario

As probas de avaliación das actividades do programa de autoformación desenvolveranse en liña de acordo coa seguinte táboa:

Código	Actividade	Prazas	Horas	Edición	Data e hora do exame en liña
AF26064	A calidade da redacción administrativa. Técnicas para unha boa redacción dos documentos administrativos-Proba de avaliación	200	20	T01	17.9.2026, ás 18.30 horas
AF26064	A calidade da redacción administrativa. Técnicas para unha boa redacción dos documentos administrativos-Proba de avaliación	200	20	T02	17.9.2026, ás 19.30 horas
AF26065	A cidadanía e as administracións públicas: dereitos e obrigas-Proba de avaliación	200	25	T01	16.9.2026, ás 17.30 horas
AF26066	A educación emocional como ferramenta para promover a igualdade-Proba de avaliación	200	20	T01	21.9.2026, ás 17.30 horas
AF26066	A educación emocional como ferramenta para promover a igualdade-Proba de avaliación	200	20	T02	21.9.2026, ás 18.30 horas
AF26066	A educación emocional como ferramenta para promover a igualdade-Proba de avaliación	200	20	T03	21.9.2026, ás 19.30 horas
AF26067	A protección do menor ante os medios de comunicación-Proba de avaliación	200	30	T01	11.12.2026, ás 19.30 horas
AF26068	A regulación da intelixencia artificial na Administración pública-Proba de avaliación	200	25	T01	11.12.2026, ás 16.30 horas
AF26068	A regulación da intelixencia artificial na Administración pública-Proba de avaliación	200	25	T02	11.12.2026, ás 17.30 horas
AF26069	A responsabilidade patrimonial da Administración pública-Proba de avaliación	200	30	T01	15.12.2026, ás 19.30 horas
AF26070	A xurisdición contencioso-administrativa-Proba de avaliación	200	25	T01	23.9.2026, ás 19.30 horas
AF26071	Análise normativa da xestión de indemnizacións por razón de servizo-Proba de avaliación	200	25	T01	30.9.2026, ás 18.30 horas
AF26072	Aplicación práctica da normativa de emprego público na Comunidade Autónoma de Galicia-Proba de avaliación	200	20	T01	16.12.2026, ás 18.30 horas
AF26073	Aplicacións informáticas de bases de datos relacionais (LibreOffice Base)-Proba de avaliación	200	50	T01	14.12.2026, ás 16.30 horas
AF26074	Aplicacións informáticas de follas de cálculo (LibreOffice Calc)-Proba de avaliación	200	50	T01	16.12.2026, ás 16.30 horas
AF26074	Aplicacións informáticas de follas de cálculo (LibreOffice Calc)-Proba de avaliación	200	50	T02	16.12.2026, ás 17.30 horas
AF26075	Aplicacións informáticas de follas de cálculo (Microsoft Office 2019)-Proba de avaliación	200	50	T01	15.12.2026, ás 16.30 horas
AF26075	Aplicacións informáticas de follas de cálculo (Microsoft Office 2019)-Proba de avaliación	200	50	T02	15.12.2026, ás 17.30 horas
AF26076	Aplicacións informáticas de tratamento de textos (LibreOffice Writer)-Proba de avaliación	200	30	T01	18.12.2026, ás 16.30 horas
AF26076	Aplicacións informáticas de tratamento de textos (LibreOffice Writer)-Proba de avaliación	200	30	T02	18.12.2026, ás 17.30 horas
AF26077	Aplicacións informáticas de tratamento de textos (Microsoft Office 2019)-Proba de avaliación	200	30	T01	17.12.2026, ás 16.30 horas
AF26077	Aplicacións informáticas de tratamento de textos (Microsoft Office 2019)-Proba de avaliación	200	30	T02	17.12.2026, ás 17.30 horas
AF26078	Aplicacións informáticas para presentacións gráficas de información (LibreOffice Impress)-Proba de avaliación	200	30	T01	14.12.2026, ás 17.30 horas
AF26079	Aproximación á violencia de xénero-Proba de avaliación	200	30	T01	24.9.2026, ás 18.30 horas
AF26080	Autoxestión emocional e saúde mental no traballo-Proba de avaliación	200	30	T01	25.9.2026, ás 18.30 horas
AF26081	Básico de subvencións e normativa aplicable-Proba de avaliación	200	30	T01	23.9.2026, ás 16.30 horas
AF26082	Básico en prevención de riscos laborais-Proba de avaliación	200	50	T01	17.9.2026, ás 16.30 horas
AF26082	Básico en prevención de riscos laborais-Proba de avaliación	200	50	T02	17.9.2026, ás 17.30 horas
AF26083	Cambio e motivación nas organizacións-Proba de avaliación	200	15	T01	30.9.2026, ás 19.30 horas
AF26084	Ciberviolencias sexistas-Proba de avaliación	200	25	T01	25.9.2026, ás 19.30 horas
AF26085	Conciliación da vida persoal, familiar e laboral-Proba de avaliación	200	30	T01	24.9.2026, ás 16.30 horas
AF26085	Conciliación da vida persoal, familiar e laboral-Proba de avaliación	200	30	T02	24.9.2026, ás 17.30 horas
AF26086	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-Proba de avaliación	200	20	T01	23.9.2026, ás 18.30 horas
AF26087	Destrezas persoais e xestión do cambio-Proba de avaliación	200	25	T01	28.9.2026, ás 16.30 horas
AF26088	Diagnóstico do clima organizacional. A optimización do recurso humano-Proba de avaliación	200	30	T01	28.9.2026, ás 17.30 horas
AF26089	Igualdade e prevención e loita contra a violencia de xénero. Nivel básico-Proba de avaliación	200	20	T01	22.9.2026, ás 17.30 horas
AF26089	Igualdade e prevención e loita contra a violencia de xénero. Nivel básico-Proba de avaliación	200	20	T02	22.9.2026, ás 18.30 horas
AF26089	Igualdade e prevención e loita contra a violencia de xénero. Nivel básico-Proba de avaliación	200	20	T03	22.9.2026, ás 19.30 horas
AF26090	Incompatibilidades do persoal empregado público de Galicia-Proba de avaliación	200	18	T01	11.12.2026, ás 18.30 horas
AF26091	Introdución á protección de datos persoais e garantía dos dereitos dixitais-Proba de avaliación	200	30	T01	9.12.2026, ás 16.30 horas
AF26092	Introdución á Unión Europea e ao seu dereito-Proba de avaliación	200	24	T01	29.9.2026, ás 16.30 horas
AF26093	Introdución ao dereito ambiental europeo-Proba de avaliación	200	30	T01	29.9.2026, ás 17.30 horas
AF26094	Introdución ao dereito da Unión Europea para os xestores públicos-Proba de avaliación	200	30	T01	29.9.2026, ás 18.30 horas
AF26095	Introdución ás políticas públicas: deseño, implementación e avaliación-Proba de avaliación	200	25	T01	25.9.2026, ás 17.30 horas
AF26096	Lei 16/2010, do 17 de decembro, de organización e funcionamento da Administración xeral e do sector público autonómico de Galicia-Proba de avaliación	200	20	T01	22.9.2026, ás 16.30 horas
AF26097	Lei 39/2015, do 1 de outubro, do procedemento administrativo común das administracións públicas-Proba de avaliación	200	25	T01	10.12.2026, ás 16.30 horas
AF26097	Lei 39/2015, do 1 de outubro, do procedemento administrativo común das administracións públicas-Proba de avaliación	200	25	T02	10.12.2026, ás 17.30 horas
AF26098	Lei 4/2019, do 17 de xullo, de administración dixital de Galicia-Proba de avaliación	200	25	T01	18.12.2026, ás 19.30 horas
AF26099	Lei 40/2015, do 1 de outubro, de réxime xurídico do sector público-Proba de avaliación	200	25	T01	10.12.2026, ás 18.30 horas
AF26099	Lei 40/2015, do 1 de outubro, de réxime xurídico do sector público-Proba de avaliación	200	25	T02	10.12.2026, ás 19.30 horas
AF26100	Lei xeral orzamentaria-Proba de avaliación	200	25	T01	14.12.2026, ás 19.30 horas
AF26101	Linguaxe administrativa non sexista e imaxe igualitaria na práctica da xestión pública-Proba de avaliación	200	30	T01	25.9.2026, ás 16.30 horas
AF26102	Marco lexislativo específico e xeral sobre os dereitos das persoas con discapacidade e a súa inclusión social-Proba de avaliación	200	30	T01	30.9.2026, ás 16.30 horas
AF26103	O exercicio da competencia administrativa na Lei 40/2015, do 1 de outubro-Proba de avaliación	200	25	T01	17.12.2026, ás 19.30 horas
AF26104	O persoal laboral ao servizo da Xunta de Galicia: V Convenio colectivo único de persoal laboral-Proba de avaliación	200	20	T01	15.12.2026, ás 18.30 horas
AF26105	Organización e simplificación do traballo administrativo-Proba de avaliación	200	12	T01	9.12.2026, ás 19.30 horas
AF26106	Políticas públicas para a igualdade efectiva entre mulleres e homes-Proba de avaliación	200	30	T01	18.9.2026, ás 18.30 horas
AF26107	Prestacións da Seguridade Social e cotizacións-Proba de avaliación	200	30	T01	16.9.2026, ás 16.30 horas
AF26108	Prevención de riscos laborais desde a perspectiva de xénero-Proba de avaliación	200	20	T01	18.9.2026, ás 19.30 horas
AF26109	Prevención de riscos laborais en oficinas e despachos-Proba de avaliación	200	15	T01	21.9.2026, ás 16.30 horas
AF26110	Prevención de riscos psicosociais: o estrés laboral-Proba de avaliación	200	20	T01	15.9.2026, ás 17.30 horas
AF26110	Prevención de riscos psicosociais: o estrés laboral-Proba de avaliación	200	20	T02	15.9.2026, ás 18.30 horas
AF26111	Prevención e xestión de conflitos-Proba de avaliación	200	25	T01	15.9.2026, ás 16.30 horas
AF26112	Protocolo institucional na Administración pública-Proba de avaliación	200	20	T01	18.9.2026, ás 17.30 horas
AF26113	Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público-Proba da avaliación	200	25	T01	16.12.2026, ás 19.30 horas
AF26114	Reutilización da información do sector público. Open Data-Proba de avaliación	200	20	T01	14.12.2026, ás 18.30 horas
AF26115	Revisión dos actos en vía administrativa-Proba de avaliación	200	25	T01	16.9.2026, ás 18.30 horas
AF26116	Réxime disciplinario do empregado público de Galicia-Proba de avaliación	200	15	T01	30.9.2026, ás 17.30 horas
AF26117	Sensibilización e prevención da violencia de xénero-Proba de avaliación	200	20	T01	28.9.2026, ás 19.30 horas
AF26118	Servizo de correo electrónico corporativo da Xunta de Galicia-Proba de avaliación	200	16	T01	24.9.2026, ás 19.30 horas
AF26119	Sexting, sextorsión, violencia de xénero dixital-Proba de avaliación	200	20	T01	29.9.2026, ás 19.30 horas
AF26120	Técnicas efectivas para preparar presentacións-Proba de avaliación	200	20	T01	9.12.2026, ás 18.30 horas
AF26121	Técnicas elementais de arquivos-Proba de avaliación	200	25	T01	28.9.2026, ás 18.30 horas
AF26122	Tramitación de expedientes de contratación na Administración autonómica-Proba de avaliación	200	30	T01	23.9.2026, ás 17.30 horas
AF26123	Transparencia: acceso á información pública e publicidade activa-Proba de avaliación	200	25	T01	18.9.2026, ás 16.30 horas
AF26124	Uso avanzado de aplicacións informáticas de follas de cálculo (LibreOffice Calc)-Proba de avaliación	200	50	T01	18.12.2026, ás 18.30 horas
AF26125	Uso avanzado de aplicacións informáticas de tratamento de textos (LibreOffice Writer)-Proba de avaliación	200	50	T01	17.12.2026, ás 18.30 horas
AF26126	Violencia de xénero na adolescencia e xuventude-Proba de avaliación	200	30	T01	9.12.2026, ás 17.30 horas

Terceira. Solicitudes de participación

1. O prazo de presentación de solicitudes de participación nas probas de avaliación será desde o día seguinte ao da publicación desta resolución no Diario Oficial de Galicia e ata o 27 de abril de 2026.

2. As solicitudes de participación nas probas de avaliación só se poderán realizar mediante o formulario de matrícula telemática dispoñible no enderezo <https://egap.xunta.gal/matricula>, desde as 9.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.

3. O número máximo de probas de avaliación das actividades do programa de autoformación que se poden solicitar durante o prazo de presentación de solicitudes limítase a catro.

4. As persoas que oculten ou falseen datos esenciais para a selección serán automaticamente excluídas das probas de avaliación das actividades do programa de autoformación solicitadas, e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.

5. Serán excluídas automaticamente aquelas solicitudes que non se axusten ao formulario de solicitude ou non teñan cubertos correctamente os datos precisos para a realización do proceso de selección.

6. As persoas interesadas en recibir mensaxes sobre o proceso de selección deberán facilitar un enderezo de correo electrónico e/ou un número de teléfono móbil.

7. As persoas que necesiten acreditar circunstancias específicas (discapacidade ou permisos de conciliación da vida persoal, familiar e laboral) de acordo cos criterios de selección poden remitirlle á EGAP a correspondente documentación complementaria ao enderezo de correo electrónico <xestion.egap@xunta.gal>, sen prexuízo do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro). A dita documentación debe enviarse por unha única das vías indicadas; no caso contrario, só serán considerados os datos achegados por correo electrónico. A documentación debe presentarse dentro do prazo sinalado no número 1 desta base.

8. Cando nalgunha das probas de avaliación das actividades do programa de autoformación non haxa un número suficiente de solicitantes que cumpran os requisitos, a EGAP poderá abrir un novo prazo de presentación de solicitudes na súa páxina web.

9. A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 53, 981 54 62 54, 981 54 62 57, 981 54 63 35, 981 54 62 73 e 881 99 70 44 ou no enderezo de correo electrónico <xestion.egap@xunta.gal>, en horario de atención ao público (das 9.00 ás 14.00 horas).

Cuarta. Comprobación de datos

1. Conforme o disposto no artigo 28.2 da Lei 39/2015, do 1 de outubro, do procedemento administrativo común das administracións públicas, para a tramitación do procedemento de selección consultaranse automaticamente os datos das persoas solicitantes das accións formativas, necesarios para realizar o proceso de selección, salvo que a persoa interesada se opoña a iso. Neste caso, a persoa interesada deberá indicalo incluíndo os motivos de oposición relacionados coa súa situación particular e achegar, ademais, unha copia dos documentos a cuxa consulta se opón, a través do seguinte enderezo electrónico: xestion.egap@xunta.gal

2. No caso de que as persoas interesadas se opoñan a esta consulta, deberán indicalo expresamente, incluíndo os motivos de oposición relacionados coa súa situación particular, e achegar os documentos que indiquen a súa situación administrativa, tipo de persoal e antigüidade na Administración, a través do seguinte enderezo electrónico: <xestion.egap@ xunta.gal>.

3. Excepcionalmente, no caso de que algunha circunstancia imposibilite a obtención dos citados datos, poderáselles solicitar ás persoas interesadas que presenten os documentos correspondentes.

4. A EGAP poderá pedir as certificacións necesarias para realizar a selección de acordo cos criterios recollidos nesta convocatoria.

Quinta. Criterios de selección

1. Os criterios de selección que serán empregados son os sinalados con carácter xeral na Resolución da Escola Galega de Administración Pública do 10 de maio de 2023 (DOG núm. 96, do 23 de maio); corrección de erros (DOG núm. 130, do 10 de xullo e DOG núm. 148, do 4 de agosto).

2. Os empates desfaranse de acordo co resultado do sorteo a que se refire o artigo 9 do Regulamento de selección de persoal da Administración da Comunidade Autónoma de Galicia, aprobado polo Decreto 95/1991, do 20 de marzo (DOG núm. 58, do 25 de marzo). Para o ano 2026, segundo a Resolución da Consellería de Facenda e Administración Pública do 22 de xaneiro (DOG núm. 16, do 26 de xaneiro), comezarase pola letra «M».

Sexta. Publicación da relación do persoal seleccionado

Para cada proba de avaliación das actividades do programa de autoformación, a EGAP publicará no enderezo <https://egap.xunta.gal> unha relación das persoas admitidas, en reserva e excluídas para participar na dita proba, de acordo co disposto no artigo 45.1.b) da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

O prazo de presentación de alegacións será de dez días desde a súa publicación, de acordo co artigo 82.2 da Lei 39/2015, do 1 de outubro, do procedemento administrativo común das administracións públicas.

2. Logo de transcorrer o prazo de alegacións, a EGAP publicará no enderezo <https://egap.xunta.gal> a listaxe definitiva de persoas admitidas no curso. Contra esta listaxe poderase interpoñer recurso de alzada, no prazo dun mes desde a dita publicación, de acordo co disposto polos artigos 112.1, 121 e 122 da Lei 39/2015, do 1 de outubro, do procedemento administrativo común das administracións públicas.

Sétima. Cambios ou substitucións na selección e renuncia

1. En ningún caso serán admitidos cambios ou substitucións entre as persoas seleccionadas.

2. A renuncia.

a) As persoas seleccionadas poderán renunciar á actividade formativa. A renuncia debe ser comunicada por escrito á EGAP. Na páxina web da Escola está dispoñible un modelo de renuncia.

Para formalizar a renuncia poderase utilizar, ademais do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), o enderezo de correo electrónico <xestion.egap@xunta.gal>.

O prazo para presentar escrito de renuncia iniciarase a partir da publicación da listaxe de persoas admitidas, en reserva e excluídas, e finalizará un mes antes da data da proba de avaliación.

b) As persoas que incumpran o prazo previsto pasarán ao final das listas de espera de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade, agás que a renuncia teña algunha das seguintes causas:

– Por causa de forza maior suficientemente acreditada.

– Por necesidades do servizo debidamente motivadas por parte dos/das responsables dos centros directivos.

– Por razóns de conciliación familiar.

– Por outras causas xustificadas documentalmente.

Oitava. Desenvolvemento das probas de avaliación

1. Para superar as probas de avaliación, o alumnado deberá responder de forma correcta un 50 % das preguntas do exame, que será tipo test. As respostas incorrectas non descontarán acertos.

2. Para poder facer a proba de avaliación, cada participante debe lembrar o contrasinal que lle permite entrar na aula virtual, que coincide co que lle dá acceso á zona de matrícula.

3. As persoas seleccionadas que non realicen as probas de avaliación pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Novena. O certificado de equivalencia

1. As persoas que superen a proba de avaliación obterán o correspondente certificado de equivalencia.

2. Este certificado equivale a un certificado de aproveitamento polas horas previstas na correspondente actividade do programa de autoformación. Estas actividades formativas valoraranse conforme establezan as bases dos concursos que convoque, no seu día, a Dirección Xeral da Emprego Público.

Décima. As facultades da EGAP

1. Correspóndelle á EGAP dispoñer canto sexa necesario para o cumprimento do previsto nesta convocatoria e para a resolución das incidencias que se produzan. Tendo en conta as circunstancias relativas á organización das probas de avaliación das actividades do programa de autoformación, a EGAP pode modificar o desenvolvemento, os contidos e as datas das probas e mesmo suprimilas.

2. A EGAP pode suspender ou cancelar as probas de avaliación das actividades do programa de autoformación en que o número de admitidos sexa inferior ao 50 % das prazas convocadas. As persoas afectadas dispoñerán de toda a información no enderezo <https://egap.xunta.gal>. A información tamén se enviará por correo electrónico e, no caso das persoas que facilitasen o correspondente número, por telefonía móbil.

3. A execución material de todo o previsto nesta resolución queda condicionada á existencia de crédito orzamentario axeitado e dispoñible e á correspondente autorización do gasto.

4. A EGAP garantirá na totalidade das actividades derivadas desta convocatoria, a promoción da igualdade real e efectiva entre mulleres e homes, a eliminación de calquera tipo de discriminación, e o fomento dos dereitos de conciliación.