Ponse en coñecemento das persoas interesadas na reestruturación parcelaria da zona de Cercio (Lalín, Pontevedra) que, con data do 30 de marzo de 2026, a directora xeral de Desenvolvemento Rural aprobou a resolución que a seguir se cita:

«En cumprimento do establecido no artigo 35 da Lei 4/2015, do 17 de xuño, de mellora da estrutura territorial agraria de Galicia, unha vez revisada a documentación e os planos que o compoñen, mediante este acto apróbase o Acordo de reestruturación parcelaria da zona de Cercio (Lalín, Pontevedra).

Conforme o disposto no número 3 do artigo 16 da antedita lei, queda disolta a xunta local da zona.

A Xefatura Provincial do Servizo de Infraestruturas Agrarias do Departamento Territorial da Consellería do Medio Rural de Pontevedra disporá a súa notificación e publicación nos termos legalmente establecidos».

Contra esta resolución, que non pon fin á vía administrativa, as persoas interesadas poderán interpoñer recurso de alzada ante a persoa titular da Consellería do Medio Rural, dentro do prazo dun (1) mes contado desde o día seguinte ao da notificación persoal ou publicación substitutiva.

Pontevedra, 7 de abril de 2026

Antonio Crespo Iglesias
Director territorial de Pontevedra