Coa entrada en vigor da Lei 7/2010, do 31 de marzo, xeral da comunicación audiovisual, o 1 de outubro de 2010, o Consello da Xunta de Galicia autorizou outorgar unha licenza ao Concello de Ordes (A Coruña) para a prestación do servizo público de comunicación audiovisual radiofónica (FM 107,3 MHz). No acordo establécese que o prazo de vixencia da licenza é de 15 anos (DOG núm. 226, 24 de novembro).
De conformidade co establecido no artigo 29.2 da Lei 13/2022, do 7 de xullo, xeral de comunicación audiovisual, ao cumprir a licenza os requisitos previstos na citada norma, renóvase automaticamente.
Segundo as competencias previstas no artigo 149.1.27 da Constitución e no artigo 34 do Estatuto de autonomía de Galicia, e as funcións atribuídas no Decreto 135/2024, do 20 de maio, de estrutura orgánica dos órganos superiores e de dirección dependentes de Presidencia da Xunta de Galicia, modificado polo Decreto 16/2025, do 10 de marzo, unha vez transcorrido o prazo outorgado de 15 anos, por aplicación directa do artigo 29.2 da Lei 13/2022, do 7 de xullo, en cumprimento dos seus requisitos, entre outros, sobre a base do disposto no artigo 10.b) do Decreto 102/2012, do 29 de marzo, polo que se desenvolve o servizo de comunicación radiofónica no ámbito da Comunidade Autónoma de Galicia, visto o informe emitido pola Asesoría Xurídica Xeral,
DECLARO:
1. A renovación automática da licenza de servizo público de comunicación audiovisual radiofónica local de Ordes (A Coruña) na frecuencia 107,3 MHz, por un prazo de vixencia de 15 anos.
2. A renovación produce efecto na data de vencemento da licenza, o 24 de novembro de 2025, e o seu titular está obrigado a garantir as condicións e requisitos establecidos na normativa vixente en materia de comunicación audiovisual.
3. De conformidade co disposto pola Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia (DOG núm. 240, do 11 de decembro), a renovación de licenzas para a prestación de servizos de comunicación audiovisual está suxeita ao pagamento dunha taxa.
Santiago de Compostela, 14 de abril de 2026
Pedro Francisco Rojo Otero
Secretario xeral de Medios