Mediante a Resolución do 17 de novembro de 2025, da Xerencia da Área Sanitaria de Pontevedra e O Salnés (DOG núm. 234, do 3 de decembro), convocouse a provisión, polo sistema de concurso de méritos e defensa pública dun proxecto, de varios postos de supervisor/a de unidade do Hospital Público do Salnés.

En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), esta xerencia

RESOLVE:

Primeiro. Adxudicarlles os postos de supervisor/a de unidade do Hospital Público do Salnés-Área Sanitaria de Pontevedra e O Salnés convocados neste procedemento aos/ás aspirantes seleccionados/as que constan no anexo.

Segundo. O/a aspirante deberá cesar na praza que desempeñe dentro dos tres días hábiles seguintes a aquel en que se publique a resolución no Diario Oficial de Galicia.

A toma de posesión do posto de traballo adxudicado deberá efectuarse dentro dos dous días hábiles seguintes ao do cesamento (artigo 6 da Lei 4/2021, do 28 de xaneiro, de medidas fiscais e administrativas, que modifica o artigo 30.2 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde). Para estes efectos entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional, ou comisión de servizos.

Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita excedencia voluntaria por interese particular, e será declarado/da nesa situación polo órgano competente, quen non se incorpore ao posto adxudicado no prazo establecido.

Cuarto. O/a aspirante seleccionado/a obterá un nomeamento para o desempeño do posto por un período inicial de catro anos de duración. Antes da finalización do referido período, o/a profesional seleccionado/a será avaliado/a para os efectos da súa prórroga, por idéntico período, ou remoción. Neste último caso darase previamente audiencia ao/á interesado/a.

Contra a presente resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 23 de abril de 2026

José Manuel Flores Arias
Xerente da Área Sanitaria de Pontevedra e O Salnés

ANEXO

Adxudicación de postos

DNI	Apelidos e nome	Denominación	Servizo/unidade
***6719**	Díaz García, Susana	Supervisión da Unidade da Área Ambulatoria de Consultas Externas, Rehabilitación e Hospitalización a Domicilio (HADO)	Hospital Público do Salnés (Área Sanitaria de Pontevedra e O Salnés)
Deserta (1)	Deserta (1)	Supervisión da Unidade de Recuperación Posanestésica (URPA) e Esterilización	Hospital Público do Salnés (Área Sanitaria de Pontevedra e O Salnés)
***6678**	Abuín Seoane, Ana Beatriz	Supervisión da Unidade de Urxencias	Hospital Público do Salnés (Área Sanitaria de Pontevedra e O Salnés)

(*) Ocúltase parcialmente o número do DNI/NIE/pasaporte/outros para preservar os datos de carácter persoal, de acordo coa Lei orgánica 3/2018, do 5 de decembro.

(1) Renuncia á participación o aspirante admitido.