A Mesa do Parlamento de Galicia, na súa reunión do 14 de abril de 2026 (BOPG núm. 365, do 17 de abril), acordou a finalización e aprobación do proceso selectivo para o ingreso, por concurso-oposición, nunha praza do corpo auxiliar reservada para ser cuberta por unha persoa que acredite discapacidade intelectual.

De acordo coas bases da convocatoria e no uso das facultades que me confiren o Estatuto de persoal e o Regulamento de organización e funcionamento do Parlamento de Galicia,

RESOLVO:

Primeiro. Nomear persoal funcionario de carreira do corpo auxiliar do Parlamento de Galicia, grupo D, a persoa aspirante aprobada que se relaciona no anexo desta resolución, con expresión do posto de traballo que se lle adxudica.

Segundo. Para adquirir a condición de persoal funcionario de carreira, a persoa a que se refire o anexo desta resolución, segundo dispón o artigo 8.d) do Estatuto de persoal do Parlamento de Galicia, deberá tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta resolución no Diario Oficial de Galicia.

Terceiro. Publicar esta resolución no Diario Oficial de Galicia, no Boletín Oficial do Parlamento de Galicia e na páxina web corporativa.

Cuarto. Notificarlle esta resolución á persoa interesada, ao Servizo de Persoal e Réxime Interior e a Intervención e Asuntos Económicos.

Contra a presente resolución, que pon fin á vía administrativa, poderase interpoñer, potestativamente, recurso de reposición ante a Presidencia do Parlamento de Galicia no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación, segundo a Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de abril de 2026

Miguel Ángel Santalices Vieira
Presidente do Parlamento de Galicia

ANEXO

Convocatoria	Acordo da Mesa do Parlamento de Galicia do 24 de xullo de 2024
Grupo	D
Quenda	Libre
Corpo auxiliar do Parlamento de Galicia
Nº	DNI	Apelidos e nome	Código do posto	Denominación	Unidade destino	Grupo	Nivel
1	***4476**	Tato Otero, Adrián	AP90	Uxier	SPRI1	D	13

1 Servizo de Persoal e Réxime Interior