Antecedentes:
1. O día 14 de xaneiro de 2026, Marina Salvaje, S.L. (NIF B55402606) e Alberto Rosendo Barreiro (NIF: ***1810**) solicitaron autorización para permutar os puntos de ancoraxe das bateas denominadas J.P. II e Pasfe I.
2. Os interesados achegaron a documentación requirida para a tramitación deste procedemento.
3. No expediente constan os informes técnicos favorables.
Consideracións legais e técnicas:
1. Este órgano é competente para resolver o expediente de conformidade co disposto na Orde do 18 de abril de 2001 pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños (DOG núm. 83, do 30 de abril), e en virtude da Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).
2. O expediente tramitouse de conformidade co disposto na Lei 39/2015 do 1 de outubro, do procedemento administrativo común das administracións públicas (BOE núm. 236, do 2 de outubro), e coas especialidades previstas na Orde do 18 de abril de 2001 pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños.
De acordo con todo o indicado,
RESOLVO:
Autorizar a permuta dos puntos de ancoraxe dos seguintes viveiros:
Subtipo: batea.
Nome: J.P. II.
Especies: mexillón (Mytilus galloprovincialis).
Localización:
Cuadrícula nº: 67.
Polígono: C.
Distrito: Cangas (Pontevedra).
Titulares: Marina Salvaje, S.L.U. (B55402606).
Remate da vixencia: 15.12.2029.
Subtipo: batea.
Nome: Pasfe I.
Especies: mexillón (Mytilus galloprovincialis).
Localización:
Cuadrícula nº: 26.
Polígono: G.
Distrito: Cangas (Pontevedra).
Titulares: Alberto Rosendo Barreiro (***1810**).
Remate da vixencia: 15.12.2029.
Baixo as seguintes condicións:
Primeira. Como consecuencia da permuta, a localización dos títulos habilitantes queda como se indica:
Nome: J.P. II.
Localización:
Cuadrícula nº: 26.
Polígono: G.
Distrito: Cangas (Pontevedra).
Nome: Pasfe I.
Localización:
Cuadrícula nº: 67.
Polígono: C.
Distrito: Cangas (Pontevedra).
Segunda. As bateas afectadas deberán adaptarse ás condicións do polígono de destino e as placas identificadoras modificaranse segundo o indicado nesta resolución.
Terceira. O traslado das bateas realizarase no prazo máximo de 3 meses contados desde o día seguinte ao da publicación no DOG desta resolución, e contará coas pertinentes autorizacións de organismos competentes na materia. Rematado o prazo sen efectuar o traslado, a autorización quedará sen efecto.
Cuarta. Os titulares das concesións certificarán a realización da permuta, unha vez rematado o traslado dos artefactos.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 16 de abril de 2026
A conselleira do Mar
P.D. (Orde do 21.2.2022)
Sonia Lorenzo Santos
Directora territorial de Vigo