A Comunidade Autónoma de Galicia ten competencia exclusiva en materia de asistencia social, segundo o disposto no artigo 27.23 do seu Estatuto de autonomía.
A Lei 13/2008, do 3 de decembro, de servizos sociais de Galicia, establece no seu artigo 3 os obxectivos do Sistema galego de servizos sociais, incluíndo entre estes, o de proporcionar oportunidades e recursos que garantan a igualdade entre mulleres e homes e posibiliten a conciliación entre a vida persoal, familiar e laboral, así como o de garantir o apoio ás familias como marco de referencia en que se desenvolven as persoas.
A Lei 3/2011, do 30 de xuño, de apoio á familia e á convivencia de Galicia, recoñece no seu artigo 6 como un dos principios de responsabilidade pública o de atender, apoiar e protexer as familias como núcleo fundamental da sociedade no cumprimento das súas funcións.
Así mesmo, a Lei 5/2021, do 2 de febreiro, de impulso demográfico de Galicia, establece no seu artigo 49.1 que a Administración autonómica garantirá a calidade e o carácter inclusivo dos recursos de educación infantil 0-3, avanzará na súa universalización e gratuidade e promoverá unha dotación suficiente de prazas e os recursos para facer efectivas as posibilidades de acceso, permanencia e promoción de toda a poboación infantil a esta etapa educativa, preferentemente en centros públicos.
O Decreto 329/2005, do 28 de xullo, polo que se regulan os centros de menores e os centros de atención á infancia, recolle os requisitos materiais, arquitectónicos, funcionais e de persoal que deben cumprir as escolas infantís 0-3 e os puntos de atención á infancia, e no seu artigo 5 establece a obriga de obter as correspondentes autorizacións administrativas para a súa creación, construción ou modificación substancial, así como os correspondentes permisos de inicio e cesamento de actividades.
O Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais, establece o procedemento para a obtención das correspondentes autorizacións administrativas que habilitan a creación e posta en funcionamento das escolas infantís 0-3 e os puntos de atención á infancia.
Por outra banda, a Comisión Europea estableceu, como mecanismo de verificación, a obriga de publicación no diario oficial da comunidade autónoma dos actos xurídicos que acrediten a creación de novas prazas de titularidade pública 0-3, creadas ao abeiro do Programa de impulso de escolarización no primeiro ciclo de educación infantil con novas prazas de titularidade pública, no marco do Plan de recuperación, transformación e resiliencia, financiado pola Unión Europea-NextGenerationEU.
Para dar cumprimento á obriga prevista no parágrafo anterior, cómpre dar publicidade á relación dos diferentes permisos de creación/construción, modificación substancial ou inicio de actividades concedidos e prazas creadas nas escolas infantís 0-3 e puntos de atención á infancia de titularidade pública dentro do marco temporal do Programa de impulso de escolarización no primeiro ciclo de educación infantil con novas prazas de titularidade pública, no marco do Plan de recuperación, transformación e resiliencia, financiado pola Unión Europea-NextGenerationEU.
Polo tanto, en virtude desta orde, que ten efectos meramente declarativos, preténdese dar unha adecuada publicidade e difusión ao total de prazas creadas en virtude dos correspondentes permisos concedidos, servindo de mecanismo de verificación respecto aos obxectivos asumidos por Galicia con base no Programa de impulso de escolarización no primeiro ciclo de educación infantil con novas prazas de titularidade pública, no marco do Plan de recuperación, transformación e resiliencia, financiado pola Unión Europea-NextGenerationEU.
En consecuencia, facendo uso das facultades que me confire o artigo 34 da Lei 1/1983, do 22 de febreiro, de normas reguladoras da Xunta e da súa Presidencia,
RESOLVO:
Dar publicidade á relación dos permisos de creación/construción, modificación substancial ou inicio de actividades de escolas infantís 0-3 e puntos de atención á infancia de titularidade pública concedidos e prazas creadas dentro do marco temporal do Programa de impulso de escolarización no primeiro ciclo de educación infantil con novas prazas de titularidade pública, no marco do Plan de recuperación, transformación e resiliencia, financiado pola Unión Europea-Nextgeneration EU que a continuación se relacionan:
|
Municipio |
Escola Infantil/ Punto de Atención á Infancia |
Tipo de resolución de autorización |
Data de resolución |
Prazas creadas |
|
Paderne de Allariz |
Escola Infantil Paderne de Allariz |
Creación/construción |
17.9.2021 |
41 |
|
A Guarda |
Escola Infantil A Guarda |
Creación/construción |
5.9.2022 |
41 |
|
Chantada |
Escola Infantil de Chantada |
Modificación substancial |
19.9.2022 |
13 |
|
Zas |
Escola Infantil de Zas |
Modificación substancial |
14.10.2022 |
11 |
|
O Grove |
Punto de Atención á Infancia do Grove |
Creación/construción |
10.11.2022 |
20 |
|
Outes |
Escola Infantil Municipal de Outes |
Creación/construción |
15.2.2023 |
10 |
|
Ordes |
Escola Infantil Municipal Rúa Galicia de Ordes |
Creación/construción |
13.6.2023 |
61 |
|
Miño |
Escola Infantil Municipal A Ceboliña de Miño |
Modificación substancial |
13.9.2023 |
20 |
|
Outes |
Escola Infantil Municipal de Outes |
Modificación substancial |
15.1.2024 |
11 |
|
Teo |
Escola Infantil Municipal de Calo |
Modificación substancial |
5.4.2024 |
7 |
|
Miño |
Escola Infantil Municipal Vilanova |
Creación/construción |
5.8.2024 |
41 |
|
Lalín |
Escola Infantil de Pontiñas Lalín |
Modificación substancial |
14.10.2024 |
15 |
|
Begonte |
Escola Infantil Municipal de Begonte |
Creación/construción |
15.11.2024 |
36 |
|
Outeiro de Rei |
Escola Infantil Municipal Outeiro de Rei |
Modificación substancial |
11.12.2024 |
37 |
|
San Cibrao das Viñas |
Escola Infantil Municipal de San Cibrao das Viñas |
Modificación substancial |
23.1.2025 |
18 |
|
Vilalba |
Punto de Atención á Infancia de Vilalba |
Creación/construción |
24.2.2025 |
20 |
|
Sober |
Escola Infantil Municipal de Sober |
Modificación substancial |
25.4.2025 |
21 |
|
O Porriño |
Escola Infantil Municipal Pontellas-O Porriño |
Creación/construción |
27.5.2025 |
72 |
|
O Porriño |
Escola Infantil Municipal Budiño-O Porriño |
Creación/construción |
27.5.2025 |
77 |
|
Tordoia |
Escola Infantil Municipal de Tordoia |
Modificación substancial |
31.10.2025 |
10 |
|
Rois |
Punto de Atención á Infancia de Urdilde-Rois |
Creación/construción |
26.11.2025 |
20 |
|
Ribadavia |
Punto de Atención á Infancia de Ribadavia |
Creación/construción |
26.11.2025 |
20 |
|
Ponteareas |
Escola Infantil Municipal Trovador |
Creación/construción |
16.12.2025 |
93 |
|
Municipio |
Escola Infantil/ Punto de Atención á Infancia |
Tipo de resolución de autorización |
Data de resolución |
Prazas creadas |
|
A Pobra do Caramiñal |
Escola Infantil Polígono Industrial da Tomada |
Modificación substancial |
13.2.2026 |
40 |
|
Mos |
Escola Infantil Municipal Rebullón-Mos |
Creación/construción |
20.3.2026 |
41 |
|
Cerceda |
Escola Infantil Municipal Os Pillabáns Cerceda |
Modificación substancial |
23.3.2026 |
20 |
|
Guitiriz |
Escola Infantil Municipal de Guitiriz |
Modificación de autorización de inicio de actividades |
26.3.2026 |
15 |
|
A Baña |
Escola Infantil Municipal da Baña |
Modificación substancial |
27.3.2026 |
10 |
|
Laxe |
Punto de Atención á Infancia de Laxe |
Inicio de actividades |
31.3.2026 |
20 |
|
Friol |
Escola Infantil Municipal Friol |
Modificación substancial |
31.3.2026 |
21 |
|
Vilanova de Arousa |
Punto de Atención á Infancia de Baión |
Creación/construción |
17.4.2026 |
20 |
Santiago de Compostela, 5 de maio de 2026
Fabiola García Martínez
Conselleira de Política Social e Igualdade