En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: José Luis González Aboy.

NIF: ***7747**.

Expediente: DH.V36.116070.

Lugar: Ramiráns.

Parroquia: Santo André de Vea.

Concello: A Estrada.

– Tipo de vertedura 1: augas residuais grises e fecais depuradas.

Caudal máximo anual 1: 225 m³/ano.

Punto de vertedura 1: X=537.208; Y=4.728.568.

Medio receptor 1: infiltración no terreo (bacía do río Ulla).

Tratamento/evacuación 1: as augas residuais grises, pretratadas nun separador de graxas, e as augas residuais fecais son tratadas nunha fosa séptica de decantación-dixestión con filtro biolóxico deseñada para 3-8 habitantes equivalentes, antes da súa vertedura por infiltración no terreo mediante un pozo filtrante, xunto coas augas residuais industriais depuradas.

– Tipo de vertedura 2: augas residuais industriais depuradas.

Caudal máximo anual 2: 208 m³/ano.

Punto de vertedura 2: X=537.208; Y=4.728.568.

Medio receptor 2: infiltración no terreo (bacía do río Ulla).

Tratamento/evacuación 2: as augas residuais industriais son tratadas nun separador de hidrocarburos con filtro coalescente, de 3 L/s de capacidade, antes da súa vertedura por infiltración no terreo mediante un pozo filtrante, xunto coas augas residuais grises e fecais depuradas.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para isto, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 21 de abril de 2026

María Belén Pichel García
Xefa da Área de Verteduras