Mediante a Orde do 30 de marzo de 2026 (Diario Oficial de Galicia número 69, do 15 de abril) establecéronse as bases reguladoras e convocouse o procedemento para adxudicar o uso de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís, nos termos establecidos na orde e coa distribución de prazas recollida no seu anexo I.

De conformidade co disposto no artigo 9.5 da dita orde de convocatoria, o órgano competente para resolver é a persoa titular da Dirección Xeral de Xuventude, por delegación da persoa titular da Consellería de Cultura, Lingua e Xuventude.

Así mesmo, o artigo 10 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.

Tras a instrución do procedemento, o 7 de maio de 2026 o órgano competente emitiu a resolución que finaliza o procedemento de adxudicación do uso de instalacións xuvenís para desenvolver programas de lecer educativo e tempo libre durante a Campaña de verán 2026.

Polo exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 7 de maio de 2026, ditada no procedemento BS304A, relativa á adxudicación do uso de instalacións xuvenís ao abeiro da Orde do 30 de marzo de 2026 pola que se convoca o procedemento para a concesión do uso de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís (código de procedemento BS304A), que se xunta como anexo desta resolución.

Segundo. Comunicar que a Resolución do 7 de maio de 2026, que finaliza este procedemento, esgota a vía administrativa e contra ela pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses, contados a partir do día seguinte ao da súa notificación a través desta publicación no Diario Oficial de Galicia.

Non obstante, poderá interporse potestativamente recurso de reposición, ante o mesmo órgano que a ditou, no prazo dun mes, contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 7 de maio de 2026

Lara del Carmen Meneses Álvarez
Directora xeral de Xuventude

ANEXO

Resolución do 7 de maio de 2026, ditada no procedemento BS304A, relativa á adxudicación do uso de instalacións xuvenís ao abeiro da Orde do 30 de marzo de 2026 pola que se convoca o procedemento para a concesión do uso de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís (código de procedemento BS304A).

Mediante a Orde do 30 de marzo de 2026 (Diario Oficial de Galicia número 69, do 15 de abril) establecéronse as bases reguladoras e convocouse o procedemento para adxudicar o uso de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís, nos termos establecidos na orde e coa distribución de prazas recollida no anexo I desta.

Unha vez comprobadas as solicitudes polo Instituto da Xuventude de Galicia, órgano instrutor do procedemento, a Comisión de Valoración prevista no artigo 9 avaliou as solicitudes admitidas a trámite de acordo cos criterios de adxudicación e pola orde de preferencia e prioridade que se recollen no artigo 8.

Á vista do expediente e do informe da Comisión de Valoración, o órgano instrutor formulou a proposta de resolución conforme o regulado no artigo 9.

A Dirección Xeral de Xuventude é competente para resolver, por delegación da persoa titular da consellería competente en materia de xuventude, segundo o disposto no artigo 9.5 da Orde do 30 de marzo de 2026.

Con base no exposto,

RESOLVO:

Primeiro. Adxudicar o uso temporal de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís ás entidades relacionadas no anexo I, nos termos que se expoñen na devandita relación.

Segundo. Denegar o uso de instalacións xuvenís para desenvolver programas de lecer educativo e tempo libre durante a Campaña de verán 2026 para colectivos xuvenís ás entidades relacionadas no anexo II, por aplicación dos criterios de preferencia e prioridade recollidos no artigo 8.

Terceiro. As entidades adxudicatarias deberán cumprir as obrigas previstas nos artigos 12, 14 e 15 da Orde do 30 de marzo de 2026.

A documentación indicada nos citados artigos deberá presentarse electronicamente e dirixirse ao Servizo de Xuventude e Voluntariado correspondente á provincia en que estea a instalación adxudicada, conforme o sinalado nos artigos 7, 12 e 14 da orde.

Se transcorridos os prazos que se indican nos citados artigos non se cumprisen as obrigas correspondentes, logo do trámite de audiencia da entidade interesada, declararase a perda do dereito á instalación adxudicada a través da oportuna resolución, que será ditada nos termos do artigo 21 da Lei 39/2015, do 1 de outubro, do procedemento administrativo común das administracións públicas.

Conforme o disposto no artigo 16 da orde, a autorización poderá ser revogada unilateralmente en calquera momento polo órgano que a outorgou, sen xerar dereito a indemnización, no caso de incumprimento das obrigas por parte das entidades ou grupos beneficiarios ou se producen danos no dominio público, impiden a súa utilización para actividades de maior interese público, menoscaban o uso xeral ou cando os bens sexan necesarios para as actividades propias da Administración xeral da Comunidade Autónoma de Galicia ou das súas entidades públicas instrumentais.

Cuarto. A presente resolución esgota a vía administrativa e contra ela pode interporse un recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses, que comezará a contar desde o día seguinte ao da súa publicación no Diario Oficial de Galicia.

Non obstante, poderá interporse potestativamente recurso de reposición ante o mesmo órgano que a ditou no prazo dun mes, que comezará a contar a partir do día seguinte ao da súa publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Quinto. A publicación desta resolución producirá os efectos de notificación, nos termos establecidos no artigo 10 da Orde do 30 de marzo de 2026 e no artigo 45 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 7 de maio de 2026. O conselleiro de Cultura, Lingua e Xuventude. P.D. (artigo 9 da Orde do 30 de marzo de 2026), Lara del Carmen Meneses Álvarez, Directora xeral de Xuventude.

ANEXO I

Procedemento BS304A

Entidades adxudicatarias:

Expediente	Entidade adxudicataria	Localidade	Instalación adxudicada	Datas	Prazas
BS304A/0016/2026	Asociación Cultural Escola de Música de Rianxo	Rianxo (A Coruña)	A.X. Mariña Española	25/06-28/06	80
BS304A/0004/2026	Concello de Ponteareas	Ponteareas (Pontevedra)	A.X. Mariña Española	25/06-27/06	20
BS304A/0005/2026	Asociación Deportiva Escola Judo Club	Vedra (A Coruña)	A.X. Mariña Española	01/09-10/09	100
BS304A/0017/2026	Asociación Espazo Aberto Galiza pola Amizade entre os Pobos	Santiago de Compostela (A Coruña)	C.X. Virxe de Loreto	26/08-04/09	80
BS304A/0006/2026	Organización Juvenil Española	A Coruña (A Coruña)	C.X. Virxe de Loreto	26/08-2/09	35
BS304A/0024/2026	Concello de Negreira	Negreira (A Coruña)	C.X. Espiñeira	26/08-04/09	50
BS304A/2013/2026	Asociación Galega de Familias de Acollida Acougo	Santiago de Compostela (A Coruña)	A.X. Area	21/06-29/06	44
BS304A/0001/2026	Concello de Cangas de Morrazo	Cangas de Morrazo (Pontevedra)	A.X. Area	21/06-29/06	50
BS304A/0010/2026	Concello de Oroso	Oroso (A Coruña)	A.X. Benigno Quiroga	21/08-28/08	50
BS304A/0022/2026	Asociación Cultural Os Tres Reinos	A Mezquita (Ourense)	C.X. A Devesa	26/08-04/09	30
BS304A/0012/2026	Concello de Lalín	Lalín (Pontevedra)	C.X. A Devesa	26/08-04/09	60
BS304A/0003/2026	Arenaria Coordinación, S.L.	Padrón (A Coruña)	C.X. Os Chacotes	26/08-02/09	50
BS304A/0008/2026	Asociación Cultural, Deportiva e Xuvenil (Acuxuve)	Vedra (A Coruña)	A.X. As Sinas	21/06-29/06	120
BS304A/0020/2026	Concello de Touro	Touro (A Coruña)	C.X. Pontemaril	26/08-04/09	45
BS304A/0011/2026	Concello da Baña	A Baña (A Coruña)	C.X. Pontemaril	26/08-04/09	20
BS304A/0014/2026	Concello da Estrada	A Estrada (Pontevedra)	C.X. Illa de Ons	21/08-28/08	60

ANEXO II

Procedemento BS304A

Entidades non adxudicatarias:

Expediente	Entidades non adxudicatarias	Motivo
BS304A/0007/2026	Concello de Vedra	Aplicación dos criterios de preferencia e prioridade regulados no artigo 8 da orde
BS304A/0009/2026	Concello de Viana do Bolo	Aplicación dos criterios de preferencia e prioridade regulados no artigo 8 da orde
BS304A/0015/2026	Asociación Músico-Cultural San Martiño Salcedo	Aplicación dos criterios de preferencia e prioridade regulados no artigo 8 da orde
BS304A/0018/2026	Concello de San Cibrao das Viñas	Aplicación dos criterios de preferencia e prioridade regulados no artigo 8 da orde
BS304A/0019/2026	Club Deportivo Hydra	Aplicación dos criterios de preferencia e prioridade regulados no artigo 8 da orde
BS304A/0021/2026	Concello de Rois	Aplicación dos criterios de preferencia e prioridade regulados no artigo 8 da orde