De conformidade cos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, logo de intentar en tempo e forma a práctica das notificacións dos actos administrativos que se relacionan no anexo sen que fose posible por causas non imputables á Administración, e tendo en conta que a publicación do seu contido íntegro pode lesionar dereitos e intereses lexítimos, por medio deste anuncio emprázanse, para seren notificadas dos ditos actos administrativos de emenda das solicitudes, as persoas interesadas que se sinalan no dito anexo ou a través das persoas que as representen.

Para coñeceren o contido íntegro dos actos administrativos que se notifican, as ditas persoas interesadas, ou as persoas que as representen debidamente acreditadas, poderán comparecer no prazo de dez (10) días hábiles, contados desde o día seguinte ao da publicación deste anuncio no Boletín Oficial del Estado, no Servizo de Dependencia do Departamento Territorial de Lugo da Consellería de Política Social e Igualdade, na rúa Serra dos Ancares, 68, 27071, Lugo, das 9.00 ás 14.00 horas, de luns a venres. Transcorrido o dito prazo sen se efectuar a comparecencia, a notificación entenderase producida no momento do vencemento do prazo indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírtese que, de conformidade co disposto no artigo 68.1 da Lei 39/2015, do 1 de outubro, nos actos que se notifican se lles outorga ás persoas interesadas un prazo de dez (10) días hábiles para emendaren as súas solicitudes, desde o día seguinte ao da notificación efectuada por comparecencia. Transcorrido este prazo sen que se realizase a emenda, entenderase que as persoas interesadas desisten da súa solicitude e procederase ao arquivamento do expediente, logo da resolución ditada nos termos do artigo 21 da Lei 39/2015, do 1 de outubro.

Lugo, 22 de abril de 2026

Óscar Viñas Penelas
Director territorial de Lugo

ANEXO

Procedemento BS210A

Número expediente	Persoa interesada	Contido do acto administrativo	Data do acto administrativo
LU-0000079202	Y3449122X	Requirimento de emenda da solicitude	19.12.2025
LU-0000079554	33657062N	Requirimento de emenda da solicitude	20.1.2026
LU-0000079659	Y2633430J	Requirimento de emenda da solicitude	12.1.2026