A Lei orgánica 2/2023, do 22 de marzo, do sistema universitario, na súa disposición adicional décimo primeira, número 2, establece que os profesores e profesoras titulares de escola universitaria que, no momento da entrada en vigor desta lei orgánica, posúan o título de doutor ou doutora ou o obteñan posteriormente, e se acrediten especificamente no marco do previsto polo artigo 69, accederán directamente ao corpo de profesoras e profesores titulares de universidade nas súas propias prazas.

Unha vez solicitada pola interesada, funcionaria do corpo de profesoras e profesores titulares de escola universitaria, a súa integración no corpo de profesoras e profesores titulares de universidade, e acreditados os requisitos exixidos.

Este reitorado, en uso das atribucións que lle confire o artigo 50 da Lei orgánica 2/2023, do 22 de marzo, do sistema universitario, e os estatutos da Universidade de Santiago de Compostela, resolve integrar no corpo de profesoras e profesores titulares de universidade a funcionaria do corpo de profesoras e profesores titulares de escola universitaria desta universidade que se relaciona a continuación, que queda adscrita ao mesmo departamento e área de coñecemento:

Apelidos e nome	DNI	Área de coñecemento	Data de efectos de integración
Teijeiro Rodríguez, Mª Teresa	***1905**	Enxeñaría Agroforestal	25.3.2026

Contra esta resolución, que esgota a vía administrativa, poderase interpor recurso contencioso-administrativo no prazo de dous meses, contados desde o día seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente poderase interpor recurso de reposición, ante o reitor da Universidade de Santiago de Compostela, no prazo dun mes, contado a partir do día seguinte ao da súa publicación, sen que neste caso se poida interpor o recurso contencioso-administrativo antes mencionado ata a resolución expresa ou presunta do recurso administrativo de reposición, ao abeiro dos artigos 123 e 124 da Lei do procedemento administrativo común das administracións públicas.

Santiago de Compostela, 20 de maio de 2026

Rosa M. Crujeiras Casais
Reitora da Universidade de Santiago de Compostela