BDNS (Identif.): 907602.

De acordo co disposto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:

https://www.infosubvenciones.es/bdnstrans/GE/es/convocatoria/907602

Primeiro. Persoas beneficiarias

Alumnado que está matriculado nunha das titulacións oficiais de grao ou de máster universitario no curso 2025/26 da Universidade de Vigo.

Segundo. Obxecto

O obxecto desta convocatoria é fomentar a formación transfronteiriza do estudantado da Universidade de Vigo, a través da realización de prácticas académicas, curriculares ou extracurriculares, nunha entidade externa con sede en Portugal. As axudas están destinadas sufragar parte dos gastos ocasionados pola mobilidade desde o lugar habitual de residencia do estudantado que participe na convocatoria.

Terceiro. Bases reguladoras

Resolución reitoral pola que se convocan bolsas Alén do Miño para a realización de prácticas académicas externas no marco do programa Eures Transfronteirizo Galicia-Norte de Portugal, curso 2025/26.

Cuarto. Contía

A contía total do crédito destinado a estas axudas será de catorce mil catrocentos vinte e un euros con trinta céntimos (14.421,30 €).

Quinto. Prazo de presentación de solicitudes

Desde o 25 de maio ata o 18 de xuño de 2026.

Vigo, 22 de maio de 2026

O reitor da Universidade de Vigo
P.D. (Resolución do 30.5.2024; DOG do 10 de xuño)
Natalia Caparrini Marín
Vicerreitora de Estudantado e Empregabilidade