O 12 de decembro de 2025 publicouse no Diario Oficial de Galicia a Resolución do 3 de decembro de 2025, da Consellería de Educación, Ciencia, Universidades e Formación Profesional, pola que se adxudican as axudas da Orde do 7 de xullo de 2025 pola que se establecen as bases para a concesión, en réxime de concorrencia competitiva, das axudas para a formación de doutores e doutoras das universidades do Sistema universitario de Galicia (SUG) en empresas e centros de innovación e tecnoloxía, programa Doutoramentos industriais, e se procede á súa convocatoria para o exercicio 2025 (código de procedemento IN606D).
Co fin de viabilizar os procesos de execución e xustificación das axudas concedidas por parte dos beneficiarios, tendo en conta a data de sinatura dos contratos e os períodos de xustificación establecidos na orde de convocatoria e dado que non se causa prexuízo a terceiros, considérase necesario modificar a distribución por anualidades das axudas concedidas pola Resolución 3 de decembro de 2025.
Polo que antecede,
RESOLVO:
Artigo 1. Modificación do artigo quinto e do anexo I da Resolución do 3 de decembro de 2025, da Consellería de Educación, Ciencia, Universidades e Formación Profesional, pola que se adxudican as axudas da Orde do 7 de xullo de 2025 pola que se establecen as bases para a concesión, en réxime de concorrencia competitiva, das axudas para a formación de doutores e doutoras das universidades do Sistema universitario de Galicia (SUG) en empresas e centros de innovación e tecnoloxía, programa Doutoramentos industriais, e se procede á súa convocatoria para o exercicio 2025 (código de procedemento IN606D).
1. O artigo quinto da citada resolución queda redactado do seguinte xeito:
Quinto. As axudas concedidas financiaranse con cargo aos orzamentos xerais da Comunidade Autónoma de Galicia para o ano 2025 e anos sucesivos, de acordo coa seguinte distribución segundo a estrutura de pagamento recollida no artigo 29 das bases da convocatoria, tal como se indica na seguinte táboa:
|
Entidade beneficiaria |
Núm. de axudas |
Aplicación orzamentaria e código de proxecto |
Crédito (en euros) |
||||||
|
2025 |
2026 |
2027 |
2028 |
2029 |
2030 |
Total |
|||
|
Empresas |
11 |
07.A2.561A.470.0 (2016 00004) |
25.350,03 € |
213.950,00 € |
328.886,00 € |
286.899,97 € |
391.200,00 € |
0,00€ |
1.246.286,00 € |
|
11 |
07.A2.561A.770.0 (2016 00004) |
0,00 € |
44.696,00 € |
44.696,00 € |
44.696,00 € |
44.696,00 € |
0,00€ |
178.784,00 € |
|
|
1 |
07.A2.561A.443.19 (2016 00004) |
0,00 € |
12.250,00 € |
29.600,00 € |
25.850,00 € |
12.600,00 € |
32.700,00 € |
113.000,00 € |
|
|
1 |
07.A2.561A.743.19 (2016 00004) |
0,00 € |
5.0000,00 € |
5.000,00 € |
5.000,00 € |
5.000,00 € |
0,00 € |
20.000,00 € |
|
|
Centros de innovación e tecnoloxía |
3 |
07.A2.561A.480.0 (2016 00004) |
8.398,34 € |
58.350,00 € |
92.800,00 € |
78.281,66 € |
105.170,00 € |
0,00 € |
343.000,00 € |
|
07.A2.561A.781.0 (2016 00004) |
0,00 € |
15.000,00 € |
15.000,00 € |
15.000,00 € |
15.000,00 € |
0,00 € |
60.000,00 € |
||
|
Universidades do SUG |
15 |
07.02.561B.744.0 (2016 .00129) |
0,00 € |
150.000,00 € |
150.000,00 € |
150.000,00 € |
150.000,00 € |
0,00 € |
600.000,00 € |
|
Total convocatoria |
33.748,37 € |
499.246,00 € |
665.982,00 € |
605.727,63 € |
723.666,00 € |
32.700,00 € |
2.561.070,00 € |
||
A Axencia Galega de Innovación financiará as axudas que correspondan ás empresas e aos centros de innovación e tecnoloxía e a Secretaría Xeral de Universidades financiará as axudas que correspondan ás universidades do SUG por importe de 600.000 €, con cargo á aplicación orzamentaria 07.02.561B.744.0 (código de proxecto 2016 00129), no marco do Plan de financiamento do Sistema universitario de Galicia 2022-2026 (aprobado polo Acordo do Consello da Xunta de Galicia do 16 do decembro de 2021, publicado no DOG número 248, do 28 de decembro).
2. O anexo I da Resolución do 3 de decembro de 2025 queda redactado conforme o sinalado ao final da presente resolución.
Artigo 2. Réxime de recursos
Contra esta resolución as persoas interesadas poderán interpoñer recurso potestativo de reposición ante a persoa titular da Consellería de Educación, Ciencia, Universidades e Formación Profesional, no prazo dun mes a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.
Santiago de Compostela, 26 de maio de 2026
O conselleiro de Educación, Ciencia, Universidades e Formación Profesional
P.D. (Orde do 5.6.2024)
Manuel Vila López
Secretario xeral técnico da Consellería de Educación,
Ciencia, Universidades e Formación Profesional