De conformidade co artigo 16.1 da Ordenanza municipal núm. 46 de xestión de residuos domésticos do Concello de Arteixo, e ante a imposibilidade de efectuar a notificación as persoas titulares dos bens que se relacionan a continuación, comunícaselles ás persoas responsables a súa obriga legal de xestión e tratamento dos residuos depositados nas parcelas sinaladas seguidamente, imposta polo artigo 20.1 da Lei 7/2022, do 8 de abril, de residuos e solos contaminados para unha economía circular, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas:

Número de expediente	Referencia catastral	Parroquia	Titulares catastrais
2025/V001/000322	4189920NH4948N	Pastoriza	Severino García Varela
2025/V001/000322	4189921NH4948N	Pastoriza	María Berta Bello Diéguez José María Bello Diéguez

En virtude do anterior, as persoas responsables dispoñen dun prazo máximo de quince (15) días naturais, contados desde o día seguinte ao da publicación no Boletín Oficial del Estado (BOE), para o cumprimento voluntario da obriga de xestión de residuos nas parcelas citadas.

Transcorrido o dito prazo, e en caso de persistencia no incumprimento, o Concello procederá á instrución do procedemento sancionador que corresponda e poderase acordar a execución subsidiaria por conta do infractor, así como a imposición de multas coercitivas reiterables, a teor do artigo 97 da Ordenanza municipal núm. 46 de xestión de residuos domésticos do Concello de Arteixo.

Así mesmo, comunícase ás persoas responsables que o contido íntegro das notificacións, así como a totalidade do expediente administrativo, está á súa disposición no Departamento de Medio Ambiente do Concello de Arteixo.

Arteixo, 12 de maio de 2026

O alcalde
P.D. (Decreto 1243/2025, do 8 de maio)
Víctor Merelas García
Concelleiro con delegación especial en Medio Ambiente