Expediente: IN407A 2024/178-1.
Promotor: UFD Distribución Electricidad, S.A.
Proxecto: LMT, CCTT, RBT lugares Castro e Rego da Moa.
Concello: Fene.
Feitos:
1. O día 16.5.2024, a empresa promotora solicitou a autorización administrativa previa, a autorización administrativa de construción e a declaración de utilidade pública da instalación de distribución eléctrica mencionada, co obxecto de mellorar a calidade da subministración nos lugares de Loira, Rego da Moa e Castro.
Ao abeiro dos artigos 123 e 143 do Real decreto 1955/2000, xunto coa relación de bens e dereitos afectados de necesaria ocupación para a construción da instalación proxectada, presentan o proxecto de execución denominado LMT, CCTT, RBT lugares Castro e Rego da Moa, asinado o día 30.4.2024 por Victoriano González Lemos, enxeñeiro técnico industrial eléctrico, nº colexiado 2.980 de Vigo; máis un anexo do 11.2.2025.
2. O proxecto someteuse ao trámite de información pública mediante un acordo do 3.2.2025 publicado nos seguintes medios:
• Portal de transparencia e Goberno aberto da Consellería de Economía e Industria.
• DOG: 25.2.2025.
• BOP: 7.2.2025.
• Xornal La Voz de Galicia: 10.2.2025.
• Taboleiro de anuncios do concello: segundo certificado municipal do 11.4.2025.
O proxecto sométese de novo a información pública co obxecto de incluír os predios números 3 e 4 da nova relación de bens e dereitos afectados. O acordo, do 5.11.2025, publicouse nos seguintes medios:
• Portal de transparencia e Goberno aberto da Consellería de Economía e Industria.
• DOG: 28.11.2025.
• BOP: 11.11.2025.
• Xornal La Voz de Galicia: 2.12.2025.
• Taboleiro de anuncios do concello: segundo certificado municipal do 22.1.2026.
3. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.
4. Consonte o artigo 127 do Real decreto 1955/2000, do 1 de decembro, solicitouse o informe preceptivo ás distintas entidades afectadas: AESA, Augas de Galicia, Concello de Fene, Instituto de Estudos do Territorio, Deputación Provincial da Coruña, Ministerio de Transportes, Patrimonio Cultural, Axencia Galega de Infraestruturas, Servizo de Urbanismo e SEPES Entidade Pública Empresarial do Solo. A empresa promotora manifestou a súa conformidade cos informes emitidos no prazo outorgado para ese efecto.
5. O día 23.2.2026 emitiuse o informe técnico.
Consideracións legais e técnicas:
1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).
2. Lexislación de aplicación.
• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
• Lei 24/2013, do 26 de decembro, do sector eléctrico (BOE núm. 310, do 27 de decembro).
• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
• Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).
• Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).
• Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).
• Lei do 16 de decembro de 1954, sobre expropiación forzosa (BOE núm. 351, do 17 de decembro).
• Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).
3. Características técnicas.
As instalacións obxecto deste expediente están situadas nos lugares de Loira, Rego da Moa e Castro (Fene), e as súas características técnicas son as seguintes:
– Instalación de dous novos centros de transformación: o nº 1 será un CT rural de 100 kVA/15 kV; o nº 2 será un CT compacto 2L+1P 250 kVA/15 kV.
– Instalación un novo XS e un novo PAS de 153 m de lonxitude en condutor RHZ1-2OL 12/20 kV 3×(1X150) Al entre apoio existente AR627Q79//D15, pertencente á LMTA VDC712 e o CT proxectado nº 1.
– Instalación de dous novos PAS en apoio existente AQT22F7M//D24, pertencente á LMTA VDC712 e de 120 m de lonxitude en condutor RHZ1-2OL 12/20 kV 3×(1X240) Al, realizando E/S no CT proxectado nº 2.
4. No expediente consta un informe favorable dos servizos técnicos deste departamento territorial.
Consonte con todo o sinalado,
RESOLVO:
A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.
A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
B) A instalación executarase no prazo de dous anos, contados a partir do día seguinte ao da publicación desta resolución no Diario Oficial de Galicia.
C) Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:
• As declaracións de conformidade relativas ao material ou equipamento, e as certificacións ou homologacións, se procede.
• Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.
• Planimetría as built da instalación eléctrica en formato shape.
D) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.
O incumprimento das condicións e dos requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia á persoa interesada, segundo o establecido no artigo 53.10 da Lei 24/2013, do 26 de decembro, do sector eléctrico.
Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.
Mediante este documento notifícaselles ás persoas interesadas esta resolución, segundo o exixido no artigo 40.1 da Lei 39/2015.
A Coruña, 19 de maio de 2026
Isidoro Martínez Arca
Director territorial da Coruña
ANEXO
Relación de bens e dereitos afectados. Termo municipal de Fene
LMT, CCTT, RBT lugares Castro e Rego da Moa
|
Nº de parcela |
Lugar e referencia catastral |
Cultivo |
Propietario/a |
Afección de solo en pleno dominio |
Afección de solo por servidume de paso de enerxía eléctrica |
||||
|
Apoio nº |
m2 |
ml aér. |
ml sot |
m2 aér. |
m2 sot |
||||
|
1 |
Santas |
Rústico Agrario |
Descoñecido/a |
PAS + LMTS |
12,0 |
36,0 |
|||
|
2 |
Santas |
Rústico Agrario |
Víctor Orgeira Rico |
CT |
24,67 |
||||
|
3 |
Gándara |
Urbana |
SEPES. Entidade Estatal do Solo |
PAS + LMTS |
2,1 |
6,27 |
|||
|
4 |
Gándara |
Urbana |
SEPES. Entidade Estatal do Solo |
CT 1 + acceso |
21,61 |
||||
Abreviacións:
ml aér.: lonxitude da servidume aérea en metros lineais.
m2 aér.: superficie de servidume aérea en m2.
ml sot.: lonxitude da servidume soterrada en metros lineais.
m2 sot.: superficie de servidume soterrada.