Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Enderezo social: avenida de América, 38, 28028 Madrid.

Denominación: LMT, CT Quintela.

Situación: Moaña.

Descricións técnicas:

– Liña de media tensión subterránea (LMTS) a 20 kV con condutor RHZ1-2OL 12/20 kV 3×(1×240) de 503 metros de lonxitude, coa orixe no centro de transformación (CT) proxectado e final no CT avenida Marín, número 12 (36CGW5).

– LMTS a 20 kV con condutor RHZ1-2OL 12/20 kV 3×(1×240) de 498 metros de lonxitude, coa orixe na arqueta existente fronte ao CT avenida Marín, número 12 (36CGW5), e final no CT proxectado.

– Centro de transformación compacto manobra exterior 2L+1P telecontrolado de 250 kVA, con relación 20.000/400 V, situado na parcela con referencia catastral 36029A062003560000IY e alimentado pola liña de media tensión CII810 procedente da subestación Cangas II.

A instalación está situada no lugar de Quintela, na parroquia de San Martiño, no concello de Moaña (Pontevedra).

A relación concreta e individualizada dos bens ou dereitos que se van expropiar figura no anexo.

O proxecto encóntrase á disposición do público durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta nas dependencias da Sección de Enerxía do Departamento Territorial da Consellería de Economía e Industria de Pontevedra, Edificio Administrativo Campolongo, avenida María Victoria Moreno, 43, 36071 Pontevedra, das 9.00 ás 14.00 horas, de luns a venres, con cita previa no teléfono 986 80 52 37; así como no portal da mencionada consellería: https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte

Durante o dito período calquera persoa poderá formular as alegacións que considere oportunas, por razón do disposto no artigo 145 do Real decreto 1955/2000 anteriormente citado.

Pontevedra, 19 de maio de 2026

Beatriz López del Olmo
Directora territorial de Pontevedra

ANEXO

Nº de expediente: IN407A 2026/096-4.

Denominación: LMT, CT Quintela.

Concello: Moaña.

Nº	Lugar	Terreo	Referencia catastral	Titular	Afeccións
					Pleno dominio	Servidume
					CT (m²)	ml sub.	m² sub.
1	Lg. Quintela. San Martiño. Moaña	Rústico. Agrario. Labor ou labradío	36029A062003560000IY	Nieves Prada Pina María Prada Pina	25,57	-	-