A Lei 6/2013, do 13 de xuño, do Sistema universitario de Galicia, establece que o Consello Social estará integrado por un máximo de trinta e unha persoas membros.

O artigo 77.2 da citada Lei 6/2013 establece que «son membros natos do Consello Social o/a reitor/a da universidade, o/a secretario/a xeral e o/a xerente da universidade».

A condición de persoa membro do Consello Social adquírese unha vez cumpridos os requisitos de designación, nomeamento e publicación no Diario Oficial de Galicia, e produce efectos a partir desa data.

A duración do mandato será a establecida polos estatutos da Universidade.

Con data do 10 de xuño de 2026, a secretaria do Consello Social da Universidade de Santiago de Compostela comunica os nomeamentos da secretaria xeral e do xerente da Universidade. Xúntanse a esta solicitude as resolucións reitorais do 10 e do 13 de abril de 2026.

O artigo 77.4 da Lei 6/2013, do 13 de xuño, establece que os acordos de designación de membros do Consello Social lle serán comunicados á persoa titular da consellería competente en materia de universidades, quen procederá ao seu nomeamento mediante orde da súa consellería.

Por todo iso,

DISPOÑO:

Artigo 1

Nomear membro nato do Consello Social da Universidade de Santiago de Compostela a Alicia Villalba Sánchez, secretaria xeral da Universidade de Santiago de Compostela, en substitución de Dulce María García Mella.

Artigo 2

Nomear membro nato do Consello Social da Universidade de Santiago de Compostela a Juan Díaz Villoslada, xerente da Universidade de Santiago de Compostela, en substitución de Antonio Javier Ferreira Fernández.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 16 de xuño de 2026

Román Rodríguez González
Conselleiro de Educación, Ciencia, Universidades e Formación Profesional