A Lei orgánica 2/2023, do 22 de marzo, do sistema universitario, regula no seu artigo 51 a elección do reitor ou reitora entre o persoal docente e investigador permanente doutor a tempo completo e que reúna os méritos de investigación, docencia e experiencia de xestión universitaria que determinen os estatutos. O reitor ou reitora será elixido/a mediante elección directa por sufraxio universal ponderado por todos os membros da comunidade universitaria. A duración do seu mandato será por seis anos improrrogables e non renovables. O procedemento para a súa elección será o fixado polos estatutos da Universidade.
Os estatutos da Universidade de Vigo, aprobados polo Decreto 13/2019, do 24 de febreiro (DOG número 38, do 22 de febreiro), dispoñen, no seu artigo 28, que o reitor ou reitora será elixido/a pola comunidade universitaria e nomeado/a pola Xunta de Galicia.
Tras ser recibida na Consellería de Educación, Ciencia, Universidades e Formación Profesional unha certificación da secretaria xeral da Universidade de Vigo en que consta que, realizadas as eleccións en segunda volta a reitor/a o 15 de maio de 2026, Carmen García Mateo acadou o apoio proporcional de máis da metade dos votos validamente emitidos, unha vez feitas e aplicadas as ponderacións correspondentes, e efectuouse a proclamación definitiva como reitora electa o 27 de maio de 2026.
No uso das atribucións que me confire a Lei 1/1983, do 22 de febreiro, reguladora da Xunta e da súa Presidencia, por instancia da Universidade de Vigo, por proposta do conselleiro de Educación, Ciencia, Universidades e Formación Profesional e logo de deliberación do Consello da Xunta de Galicia na súa reunión do día vinte e dous de xuño de dous mil vinte e seis,
DISPOÑO:
Artigo único
Nomear reitora magnífica da Universidade de Vigo a profesora doutora Carmen García Mateo.
Santiago de Compostela, vinte e dous de xuño de dous mil vinte e seis
Alfonso Rueda Valenzuela
Presidente
Román Rodríguez González
Conselleiro de Educación, Ciencia, Universidades e Formación Profesional