Expediente: IN407A 2024/248-1.

Promotor: UFD Distribución Electricidad, S.A.

Proxecto: LMT, CCTT e RBT na Pereira e Socastro.

Concello: Rois.

Feitos:

1. O día 19.7.2024, a empresa promotora solicitou a autorización administrativa previa, a autorización administrativa de construción e a declaración de utilidade pública da instalación de distribución eléctrica mencionada, co obxecto de mellorar a calidade da subministración e de atender as reclamacións nos lugares da Pereira e Socastro, concello de Rois.

Ao abeiro dos artigos 123 e 143 do Real decreto 1955/2000, xunto coa relación de bens e dereitos afectados de necesaria ocupación para a construción da instalación proxectada, presentan o proxecto de execución denominado LMT, CCTT e RBT na Pereira e Socastro, asinado o día 2.5.2024 por Victoriano González Lemos, enxeñeiro técnico industrial eléctrico, número de colexiado 2.980 de Vigo.

2. O proxecto someteuse ao trámite de avaliación ambiental simplificada e consta no expediente unha resolución da Dirección Xeral de Calidade Ambiental e Sostibilidade da Consellería de Medio Ambiente e Cambio Climático do 30.9.2025, pola que se formula o informe de impacto ambiental do proxecto.

O informe sinala o seguinte: «De acordo cos antecedentes e como resultado da avaliación de impacto ambiental simplificada realizada, formular o informe de impacto ambiental do proxecto LMT, CCTT, RBT na Pereira e Socastro, no termo municipal de Rois (A Coruña), concluíndo que, sempre que se cumpra, ademais do recollido no documento ambiental e na restante documentación avaliada, o condicionado e programa de vixilancia ambiental que figuran ao longo desta resolución, non son previsibles efectos adversos significativos sobre o ambiente e, polo tanto, non se considera necesario someter o proxecto á avaliación de impacto ambiental ordinaria».

3. O proxecto someteuse ao trámite de información pública mediante un acordo do 25.3.2026 publicado nos seguintes medios:

– Portal de transparencia e Goberno aberto da Consellería de Economía e Industria.

– DOG: 20.4.2026.

– BOP: 6.4.2026.

– Xornal La Voz de Galicia: 8.4.2026.

– Taboleiro de anuncios do Concello: segundo o certificado municipal do 10.6.2026.

4. Durante o período en que o proxecto se someteu ao trámite de información pública non se presentou ningunha alegación, reclamación nin suxestión relacionada coa documentación obxecto de publicación.

5. Consonte o artigo 127 do Real decreto 1955/2000, do 1 de decembro, solicitouse o informe preceptivo ás distintas entidades afectadas: Concello de Rois, Augas de Galicia, Servizo de Montes, Axencia Galega de Infraestruturas e Servizo de Patrimonio Cultural. A empresa promotora manifestou a súa conformidade cos informes emitidos no prazo outorgado para ese efecto.

6. O día 11.6.2026 emitiuse o informe técnico.

Consideracións legais e técnicas:

1. O director territorial é competente para resolver este expediente, ao abeiro do disposto no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro), e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG núm. 101, do 27 de maio).

2. Lexislación de aplicación.

– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas.

As instalacións obxecto deste expediente están situadas nos lugares da Pereira e Socastro, no concello de Rois, e as súas características técnicas son as seguintes:

– CT (1) de intemperie, no lugar da Pereira, de 50 kVA con relación de transformación de 20.000/400-230 V.

– LMTA a 20 kV, de 829 m, condutor tipo LA-56 Al, con orixe no apoio número 9XA48LH6//45 que se vai substituír por outro tipo C-3000/14 frecuentado da PAD813 (expediente 50.998), procedente da subestación Padrón e remate no apoio número 62-31 proxectado, onde se instalará o CTI proxectado. Instalación de 7 novos apoios intercalados tipo C-2000/14 (2), C-1000/16 (3), C-1000/20 e C-1000/18.

– Instalación dun seccionador XS no apoio número 45 que se substituirá. Retensado dos vans adxacentes.

– CT (2) no lugar de Socastro, compacto prefabricado tipo rural de manobra exterior en envolvente de formigón, cunha potencia de 100 kVA, relación de transformación de 20.000/400-230 V e configuración 1L+1P.

– LMTS a 20 kV, de 264 m, condutor tipo RHZ1-2OL 12/20 kV 1×150 mm² Al, con orixe no PA/S proxectado no apoio proxectado (Pr.9) frecuentado tipo C-2000/18 que se intercalará entre os apoios 9WRN8WAH//54 e 9WLRFPM1//55 existentes da LMT PAD813 e remate no CTC proxectado.

– Instalación dun reconectador telecontrolado (RC) e autoválvulas no apoio proxectado Pr.9.

4. No expediente consta un informe favorable dos servizos técnicos deste departamento territorial.

Consonte con todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

B) A instalación executarase no prazo de dous anos, contados a partir do día seguinte ao da publicación desta resolución no Diario Oficial de Galicia.

C) A resolución da Dirección Xeral de Calidade Ambiental e Sostibilidade da Consellería de Medio Ambiente e Cambio Climático pola que se formula o informe de impacto ambiental do proxecto sinala no seu punto 4.2.2. «Para este efecto, o promotor adoptará o programa de vixilancia e seguimento ambiental deseñado que garantirá, ademais do cumprimento dos condicionantes e medidas preventivas e/ou correctoras establecidas no IIA e no documento ambiental, o cumprimento dos que, se é o caso, establezan os órganos competentes na tramitación sectorial de licenzas, permisos e/ou autorizacións e aqueles outros que, derivados do seguimento, sexa necesario incorporar. Deberá aprobalo previamente o órgano substantivo».

De acordo co sinalado, e co obxecto da realización do seguimento ambiental, deberá comunicar a data de inicio das actuacións autorizadas nesta resolución.

Deberá achegar a este departamento territorial, no prazo máximo dun mes antes do inicio das obras, o plan de vixilancia e seguimento ambiental, de acordo coas consideracións establecidas no punto 4.2.2 da resolución de impacto ambiental.

D) Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do/da director/a da montaxe en que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

E) Esta autorización outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.

O incumprimento das condicións e requisitos establecidos nesta resolución ou a variación substancial dos presupostos que determinaron o seu outorgamento poderán dar lugar á súa revogación, logo de audiencia á persoa interesada, segundo o establecido no artigo 53.10 da Lei 24/2013, do 26 de decembro, do sector eléctrico.

Contra esta resolución, que non é definitiva en vía administrativa, poderá interporse recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da dita Lei 39/2015, sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles ás persoas interesadas esta resolución, segundo o exixido no artigo 40.1 da Lei 39/2015.

A Coruña, 17 de xuño de 2026

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Rois

Núm. parcela	Lugar Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
Apoio núm./CT	m²	ml aér.	ml sot.	m² aér.	m² sot.
1	Espai Verde 15075B509002470000GZ	Prado	Manuel Cabo Rabuñal Nieves Cabo Rabuñal	Apoio 7	2.00	94,36		1.445,64
3	Arganido 15075B509002350000GO	Prado	Ramón Castro Bustelo					49,48
4	Arganido 15075B509002360000GK	Prado	Ramón Gómez Quimil	Apoio 45-1	1,00	27,27		385,63
5	Argranido 15075B509002380000GD	Matogueira	Carmen Guimil Fernández	Apoio 45-1	1;00	24,66		395,65
6	Casal de Albariño 15075B509002460001HD	Urbano	Hipólito Gómez Sedofeito					43,80
7	Rubieiros 15075B509002410000GD	Prado	Eugenio Antonio Freire Freire	Apoio 45-9	2,00	141,81		2.268,96
8	Fonte 15075B509001910000GW	Prado	Descoñecido					38,57
9	Souto 15075B509001920001HS	Prado	Descoñecido			104,78		1.636,84
10	Bouzadega 15075A086003490000XP	Eucaliptal	José Antonio Freire Fontenla					73,06
11	Bouzadega 15075A086003480000XQ	Eucaliptal	Sara Junqueira Rodríguez	Apoio 45-3	2,00	28,79		392,10
14	Bouzadega 15075A086005520000XK	Eucaliptal	María del Carmen Freire Freire					5,26
15	Bouzadega 15075A086003460000XY	Carballeira	Eugenio Antonio Freire Freire			13,07		180,02
19	Bouzadega 15075A086003420000XH	Carballeira	Manuel Castro Bralo			7,14		98,29
20	Bouzadega 15075A086003410000XU	Eucaliptal	Esther Calvo Fernández	Apoio 45-4	1,00	7,18		113,25
22	Bouzadega 15075A086003400000XZ	Carballeira	Francisco Regateiro Bustelo	Apoio 45-4	1,00	84,26		1.342,40
24	Camiño de Arriba 15075A086003230000XF	Piñeiral madeireiro	Sergio Castro Bustelo (herdeiros de)			11,06		177,00
26	Camiño de Arriba 15075A086003210000XL	Piñeiral madeireiro	Mercedes Bustelo Miguéns	Apoio 45-5	1,00	10,93		174,93
27	Camiño de Arriba 15075A086003200000XP	Piñeiral madeireiro	Dolores Gens Iglesias (herdeiros de)	Apoio 45-5	1,00	12,85		205,56
31	Camiño de Arriba 15075A086003150000XG	Eucaliptal	Palmira Bralo Costa			2,94		46,96
34	Cacheiro 15075A086003100000XH	Eucaliptal	José Campos Regateiro			3,16		50,63
35	Cacheiro 15075A086003090000XA	Eucaliptal	Eudosia Rabuñal Louzado (herdeiros de)			3,22		51,54
36	Cacheiro 15075A086003080000XW	Eucaliptal	Adolfo Campos Rodríguez (herdeiros de)			2,65		42,38
37	Cacheiro 15075A086003070000XH	Eucaliptal	Mercedes Bustelo Miguéns			2,97		47,52
39	Cacheiro 15075A086003050000XZ	Eucaliptal	Eudosia Rabuñal Louzado (herdeiros de)			3,10		49,67
42	Devesa Alta 15075A086003010000XI	Piñeiral madeireiro	Mercedes Bustelo Miguéns (herdeiros de)			3,51		40,99
44	Devesa Alta 15075A086005540000XD	Piñeiral madeireiro	Germán Bralo Tato					28,09
46	Devesa Alta 15075A086003000000XX	Piñeiral madeireiro	Celia Leis Sampayo			3,58		40,23
49	Devesa Alta 15075A086002960000XK	Piñeiral madeireiro	Manuel Constantino Tarrío Bustelo	Apoio proxectado punto 13	0,67	1,09		85,52
51	Devesa Alta 15075A086002810000XW	Piñeiral madeireiro	Manuel Bralo Villar			5,61		62,95
52	Devesa Alta 15075A086002820000XA	Piñeiral madeireiro	Elvira Esther Vilas Fuentes			5,30		88,47
53	Devesa Alta 15075A086002840000XY	Piñeiral madeireiro	M. Inmaculada Citoula Regateiro			12,08		204,60
54	Devesa Alta 15075A086002850000XG	Piñeiral madeireiro	M. del Carmen Bustelo Vilas					19,19
55	Devesa Alta 15075A086002830000XB	Piñeiral madeireiro	Descoñecido			3,59		75,08

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m² aér.: superficie de servidume aérea en m².

m² sot.: superficie de servidume soterrada.