De conformidade co establecido no artigo 16 da Orde desta consellería, do 12 de maio de 2011 (DOG do 20 de maio), pola que se regulan os centros plurilingües na Comunidade Autónoma de Galicia e se establece o procedemento de incorporación de novos centros á Rede de centros plurilingües de Galicia e se regula o Programa plurilingüe no segundo ciclo da educación infantil (Plurinfantil) e o bacharelato de especialización en idiomas (Pluribach) para o curso 2026/27, esta consellería

RESOLVE:

Primeiro. Autorizar os centros plurilingües e os centros autorizados para impartir o programa Plurinfantil no segundo ciclo da educación infantil que se relacionan no anexo desta orde.

Segundo. Contra esta resolución, as persoas interesadas poderán interpor recurso potestativo de reposición, ante a persoa titular da Consellería de Educación, Ciencia, Universidades e Formación Profesional, no prazo dun mes contado desde o día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas. De non consideraren oportuna a interposición do citado recurso, poderán formular directamente recurso contencioso-administrativo no prazo de dous meses, ante o Tribunal Superior de Xustiza de Galicia, conforme se establece na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 6 de xullo de 2026

O conselleiro de Educación, Ciencia, Universidades e Formación Profesional
P.D. (Orde do 5.6.2024; DOG núm.114, do 13 de xuño)
Manuel Vila López
Secretario xeral técnico da Consellería de Educación, Ciencia, Universidades e Formación Profesional

ANEXO I

Centros autorizados Rede de centros plurilingües 2026-27

Cód. do centro	Nome do centro	Idioma	Etapas autorizadas	Materia
36004460	CEIP de Ardán	Inglés	Educación primaria	Educación Plástica e Visual
15023041	CEIP de Galán	Inglés	Educación primaria	Educación Plástica e Visual
36015068	CEIP Balaídos	Inglés	Educación primaria	Educación Plástica e Visual
36001690	CEIP Antonio Blanco Rodríguez	Inglés	Educación primaria	Educación Plástica e Visual
27009608	CEIP O Salvador	Inglés	Educación primaria	Educación Plástica e Visual
36020374	IES Valadares	Inglés	Educación secundaria obrigatoria	Educación Física

ANEXO II

Centros autorizados Plurinfantil 2026-27

Cód. do centro	Nome do centro	Idioma	Etapas autorizadas
36004460	CEIP de Ardán	Inglés	Educación infantil
27000198	CEIP Plurilingüe de Antas de Ulla	Inglés	Educación infantil
32009165	CEIP Plurilingüe As Mercedes	Inglés	Educación infantil