De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen practicar realizaranse por medio dun anuncio no Boletín Oficial del Estado (BOE) e a súa eficacia quedará condicionada á súa publicación no taboleiro de edictos único (TEU) do BOE.

Intentouse a notificación por correo certificado ás persoas titulares das empresas citadas no anexo, sen que fose posible, polo que se lles notifica por medio deste anuncio a resolución ditada nos correspondentes expedientes sancionadores.

Sen prexuízo do anterior, e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.

As persoas interesadas dispoñen do prazo dun mes, que se contará a partir do día seguinte ao da súa publicación no BOE, para interpoñer un recurso de alzada ante a Secretaría Xeral de Emprego e Relacións Laborais, Consellería de Emprego, Comercio e Emigración, así como para comprobar o contido íntegro do expediente nas dependencias da Xefatura Territorial da Coruña, na rúa Gregorio Hernández, 2-4, da Coruña, das 9.00 ás14.00 horas, de luns a venres.

Advírteselles de que, de non interpoñeren un recurso no tempo e na forma adecuados, deberán aboar a sanción, para o que utilizarán necesariamente o documento de pagamento que poderán solicitar nesta xefatura territorial, nos seguintes prazos:

– As sancións notificadas antes do día 15 de cada mes aboaranse antes do día 20 do mes seguinte ao da notificación.

– As sancións notificadas despois do día 15 de cada mes aboaranse antes do día 5 do segundo mes seguinte ao da notificación.

De non facelo así, procederase á exacción pola vía executiva, nos termos previstos na Orde da Consellería de Economía e Facenda do 23 de novembro de 2001 (DOG do 5 de decembro).

A Coruña, 10 de xullo de 2026

Juan José Couce Prego
Director territorial da Coruña

ANEXO

Expediente	Acta inf. núm.	Empresa	Concello	Materia	Data da resolución
RL 2026/0164-1	I152026000006428	Eduardo López Balsa	Foz	Relacións laborais	6.7.2026