O Pleno do Concello de Mos, na sesión ordinaria do 29 de xuño de 2026, adoptou, entre outros, os seguintes acordos:

Primeiro. Aprobar a documentación achegada polo redactor Ángel Jaime Santorio Cuartero o 19.6.2026, con rexistro de entrada número 3779, do Plan especial de infraestruturas e dotacións para equipamento sociosanitario en Tameiga, Concello de Mos, promovido por Doralresidencias Gestión Sociosanitaria, S.L., para os efectos de dilixenciar o documento e de proceder á súa inscrición no Rexistro de Ordenación do Territorio e Planeamento Urbanístico.

Segundo. Comunicarlle o acordo, en virtude do artigo 88 da Lei 2/2016, do 10 de febreiro, do solo de Galicia, e do artigo 209 do Decreto 143/2016, do 22 de setembro, polo que se aproba o Regulamento da Lei 2/2016, á consellería competente en materia de urbanismo, para a súa inscrición no Rexistro de Ordenación do Territorio e Planeamento Urbanístico de Galicia, e achegar un exemplar en soporte dixital non editable debidamente dilixenciado.

Terceiro. Facultar a secretaria municipal para que dilixencie o documento e para que o remita ao Rexistro de Ordenación do Territorio e Planeamento Urbanístico de Galicia.

Para os efectos do disposto no punto segundo e terceiro da parte dispositiva deste acordo, a documentación íntegra aprobada definitivamente estará á disposición das persoas interesadas na ligazón:

https://concellomos-my.sharepoint.com/:f:/g/personal/documentacion_concellomos_es/IgARAW3dsrBGS5CaIDpxFEVGAXNdvssZpfml6eqI2UnH93Q?e=8kbwUT

En aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que se aproba unha disposición administrativa de carácter xeral, contra este acordo poderá interpoñerse recurso contencioso-administrativo ante a Sección do Contencioso-Administrativo do Tribunal de Instancia de Pontevedra (artigo 84.1 da Lei do solo de Galicia e artigo 201.1 do seu regulamento), no prazo de dous meses, computables a partir do día seguinte ao da publicación do anuncio ou da recepción da notificación do acordo, de conformidade co disposto nos artigos 10 e 46 da Lei 29/1998, do 13 de xullo, da xurisdición contencioso-administrativa, todo isto sen prexuízo de que se poida interpoñer calquera outro recurso que se entenda máis procedente e que sexa conforme a dereito.

Mos, 6 de xullo de 2026

Nidia María Arévalo Gómez
Alcaldesa