Antecedentes:

1. Mediante a Resolución do 2 de abril de 2009, da conselleira do Mar (DOG núm. 87, do 6 de maio), outorgáronselle a Galician Marine Aquaculture, S.L. (NIF B15860679) a concesión de ocupación do dominio público marítimo-terrestre e o permiso de actividade para a posta en funcionamento e explotación da fase I do criadeiro e granxa mariña situados na Piela, Tal de Abaixo, concello de Muros (A Coruña), por un prazo de 10 anos prorrogables.

2. Unha vez finalizadas as obras de construción dos ditos establecementos e redactadas as actas polo persoal técnico da Consellería do Mar e pola Demarcación de Costas en Galicia do Ministerio de Agricultura, Alimentación e Medio Ambiente, o 22 de agosto de 2012 o secretario xeral da Consellería do Mar ditou a resolución pola que se aproba o recoñecemento final das obras para a posta en funcionamento do criadeiro e granxa mariña, cunha ocupación de 6.756,49 m² de dominio privado e de 736,25 m² de dominio público marítimo-terrestre.

3. Pola Resolución do 12 de maio de 2020, da conselleira do Mar, prorrogáronse a concesión de ocupación de dominio público marítimo-terrestre e o permiso de actividade do criadeiro e granxa mariña ata o 15 de abril de 2029.

4. O día 29 de xullo de 2025, Galician Marine Aquaculture, S.L. Solicitou a autorización para a transmisión da concesión de ocupación do dominio público marítimo-terrestre e do permiso de actividade da granxa mariña a favor de Aquafarm Galicia, S.L.U.

5. O día 4 de setembro de 2025, a directora territorial na Coruña, por delegación da conselleira do Mar, ditou a resolución pola que se autoriza a transmisión inter vivos da concesión de ocupación do dominio público marítimo-terrestre e do permiso de actividade da granxa mariña a favor de Aquafarm Galicia, S.L.U., que queda condicionada á inscrición do establecemento no Rexistro da Propiedade a nome do novo titular.

6. O día 26 de setembro de 2025, Galician Marine Aquaculture, S.L. solicitou a autorización para a transmisión inter vivos da concesión de ocupación do dominio público marítimo-terrestre e do permiso de actividade do criadeiro a favor de Aquafarm Galicia, S.L.U.

7. O día 5 de maio de 2026, Aquafarm Galicia, S.L.U. achegou a certificación do Rexistro da Propiedade en que consta como titular do predio en que se sitúan a granxa mariña e o criadeiro.

8. O día 11 de xuño de 2026, o xefe do Servizo de Innovación Tecnolóxica da Acuicultura, dependente da Subdirección Xeral de Acuicultura, emitiu un informe sobre os ditos establecementos de acuicultura.

Consideracións legais e técnicas:

1. A competencia para ditar esta resolución corresponde á persoa titular da Consellería do Mar, de conformidade co disposto no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre.

En virtude da Orde do 21 de febreiro de 2022, sobre delegación de competencias en diversos órganos de dirección da Consellería do Mar e na Presidencia da entidade empresarial Portos de Galicia, delégase esta competencia nas persoas titulares dos departamentos territoriais da Consellería do Mar.

2. O procedemento tramitouse de conformidade co establecido na Lei 39/2015, do 1 de outubro, do procedemento administrativo común das administracións públicas, coas especialidades previstas no Decreto 274/2003, do 4 de xuño, e na Orde do 21 de xullo de 2000 pola que se regula o procedemento para a transmisión da titularidade do permiso de actividade en establecementos de cultivos mariños e auxiliares na zona terrestre.

A persoa interesada presentou a escritura pública de transmisión dos establecementos de acuicultura, o xustificante da liquidación do imposto de transmisións patrimoniais e actos xurídicos documentados, así como a certificación do Rexistro da Propiedade en que consta Aquafarm Galicia, S.L.U. como titular do predio en que se sitúan a granxa mariña e o criadeiro.

Así mesmo, achegou a documentación relativa ao cumprimento do establecido no artigo 142.a) do Real decreto 876/2014, do 10 de outubro, polo que se aproba o Regulamento xeral de costas.

De acordo co exposto,

RESOLVO:

1. Autorizar a transmisión inter vivos do permiso de actividade e da concesión de ocupación de dominio público marítimo-terrestre dos seguintes establecementos de acuicultura:

Nome dos establecementos: Galician Marine Aquaculture.

Tipo de establecementos: criadeiro e granxa mariña.

Número de rexistro: RA05707 e RA05706.

Localización: A Piela, Tal de Abaixo, Muros.

Superficie de dominio público marítimo-terrestre: 736,25 m².

Superficie de dominio privado: 6.756,49 m².

Especies autorizadas: orella de mar (Haliotis tuberculata) e rodaballo (Scophthalmus maximus).

Título habilitante: permiso de actividade e concesión de ocupación do dominio público marítimo-terrestre.

Data da resolución do outorgamento: 2.4.2009 (DOG núm. 87, do 15 de abril).

Inicio da vixencia: 15.4.2009.

Remate da vixencia: 15.4.2029.

Actual titular: Galician Marine Aquaculture, S.L. (NIF B15860679).

Novo titular: Aquafarm Galicia, S.L.U. (NIF B75352302).

2. O novo titular do permiso de actividade e da concesión de ocupación de dominio público marítimo-terrestre queda subrogado nos dereitos e obrigas do anterior, incluídas as condicións de rendibilidade e bo uso da explotación previstas no título administrativo de outorgamento, desde o momento de formalización da transmisión en escritura pública.

3. Notificar esta resolución ás persoas interesadas, coa indicación de que contra esta, que esgota a vía administrativa, poderá interpoñerse recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo ante a xurisdición contencioso-administrativa, no prazo de dous meses, contados en ambos os casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 7 de xullo de 2026

A conselleira do Mar
P.D. (Orde do 21.2.2022)
María José Cancelo Baquero
Directora territorial da Coruña