Antecedentes:
1. O día 21 de maio de 2026 Jorge Busto Barreiro (NIF ***3575**), en representación da sociedade Mejilloneras Lorenzo-Fungueiriño, S.L. (NIF B70439575), solicita permiso para permutar os puntos de ancoraxe entre as bateas denominadas Lobeira I e Ostrasa V, sen traslado de artefactos.
2. A interesada achega a documentación requirida para a tramitación do procedemento.
3. O día 26 de xuño de 2026 o Servizo de Innovación Tecnolóxica da Acuicultura emite informe técnico-biolóxico favorable.
4. O día 9 de xullo de 2026 emite informe favorable a Subdirección Xeral de Gardacostas.
Consideracións legais e técnicas:
1. A competencia para ditar esta resolución corresponde á conselleira do Mar, de conformidade co disposto na Lei 11/2008, do 3 de decembro, de pesca de Galicia, no Decreto 406/1996, do 7 de novembro, polo que se aproba o Regulamento de viveiros de cultivos mariños de Galicia, así como na Orde do 18 de abril de 2001 pola que se regula o procedemento que rexerá a permuta de puntos de fondeadoiro e os cambios de sistema, localización e cultivo nos viveiros de cultivos mariños.
En virtude da Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia, delégase esta competencia nas persoas titulares dos departamentos territoriais da Consellería do Mar.
2. O expediente tramitouse de conformidade co disposto na Lei 39/2015, do 1 de outubro, do procedemento administrativo común das administracións públicas, e coas especialidades previstas na Orde do 18 de abril de 2001 pola que se regula o procedemento que rexerá a permuta de puntos de fondeadoiro e os cambios de sistema, localización e cultivo nos viveiros de cultivos mariños.
3. Examinada a documentación que figura no expediente e atendendo aos informes técnicos emitidos, a permuta de puntos de fondeadoiro e artefactos solicitada axústase á normativa de aplicación, polo que procede a súa autorización.
De acordo con todo o indicado,
RESOLVO:
1. Autorizar a Mejilloneras Lorenzo-Fungueiriño, S.L. e Juan Ramón Escobar del Valle a permuta dos seguintes puntos de fondeadoiro e artefactos:
|
Nome: Lobeira I RA01631 |
Nome: Ostrasa V RA01358 |
|
Localización: – Cuadrícula núm.: 116 – Polígono: E – Distrito: Caramiñal (A Coruña) |
Localización: – Cuadrícula núm.: 85 – Polígono: B – Distrito: Caramiñal (A Coruña) |
|
Especie autorizada: – Mexillón (Mytilus galloprovincialis) |
Especie autorizada: – Mexillón (Mytilus galloprovincialis) |
|
Medidas do artefacto: – 6 flotadores cilíndricos de 4 m de longo e 2,20 m de diámetro – Estrutura: 20 m de longo x 27 m de ancho |
Medidas do artefacto: – 6 flotadores cilíndricos de 4 m de longo e 2 m de diámetro – Estrutura: 20 m de longo x 27 m de ancho |
|
Titular: – Mejilloneras Lorenzo-Fungueiriño, S.L. (NIF: B70439575) |
Titular: – Juan Ramón Escobar del Valle (NIF: ***6580**) |
|
Rega: ES150670075501 |
Rega: ES150670055601 |
Como consecuencia da permuta, resulta a seguinte localización dos títulos habilitantes e dimensións dos artefactos:
|
Nome: Lobeira I RA01631 |
Nome: Ostrasa V RA01358 |
|
Localización: – Cuadrícula núm.: 85 – Polígono: B – Distrito: Caramiñal (A Coruña) |
Localización: – Cuadrícula núm.: 116 – Polígono: E – Distrito: Caramiñal (A Coruña) |
|
Especie autorizada: – Mexillón (Mytilus galloprovincialis) |
Especie autorizada: – Mexillón (Mytilus galloprovincialis) |
|
Medidas do artefacto: – 6 flotadores cilíndricos de 4 m de longo e 2 m de diámetro – Estrutura: 20 m de longo x 27 m de ancho |
Medidas do artefacto: – 6 flotadores cilíndricos de 4 m de longo e 2,20 m de diámetro – Estrutura: 20 m de longo x 27 m de ancho |
|
Titular: – Mejilloneras Lorenzo-Fungueiriño, S.L. (NIF: B70439575) |
Titular: – Juan Ramón Escobar del Valle (NIF: ***6580**) |
|
Rega: ES150670075501 |
Rega: ES150670055601 |
Baixo as seguintes condicións:
Primeira. As persoas titulares das concesións administrativas adaptarán as placas identificativas dos viveiros ao disposto nesta resolución no prazo máximo dun (1) mes contado desde o día seguinte ao da publicación no Diario Oficial de Galicia desta resolución; deben comunicalo a este departamento territorial e achegar fotografía da nova placa.
Segunda. No mesmo prazo indicado na condición anterior, presentarán o certificado acreditativo da vixencia do seguro de responsabilidade civil en que conste a nova localización dos viveiros.
Terceira. Rematado o prazo indicado na condición primeira sen que a permuta do punto de fondeadoiro e do artefacto se leve a cabo, esta autorización quedará sen efecto.
Contra esta resolución, que esgota a vía administrativa, poderase interpoñer recurso potestativo de reposición no prazo dun (1) mes ante a persoa titular da Consellería do Mar, ou recurso contencioso-administrativo, ante a xurisdición contencioso-administrativa, no prazo de dous (2) meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 21 de xullo de 2026
A conselleira do Mar
P.D. (Orde do 21.2.2022)
María José Cancelo Baquero
Directora territorial da Coruña