En sesión que tivo lugar o 27 de xullo de 2026, o tribunal nomeado pola Resolución do 30 de marzo de 2026 (DOG núm. 62, do 6 de abril), da Dirección Xeral de Emprego Público e Administración de Persoal da Consellería de Facenda e Administración Pública da Xunta de Galicia, para cualificar o proceso selectivo mediante o sistema de concurso-oposición para o ingreso, pola quenda de acceso libre e promoción interna, no corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, escala auxiliar do Servizo de Prevención e Defensa contra Incendios Forestais, especialidade de bombeiro forestal (DOG núm. 20, do 30 de xaneiro),

ACORDOU:

Primeiro. No proceso de acceso libre, ao abeiro do previsto na base II.1.2.7 da convocatoria, anular as preguntas do primeiro exercicio números 5, 10 e 57 e substituílas polas preguntas de reserva 121, 122 e 123, así como, modificar o modelo de corrección de respostas da pregunta 79, en que a correcta é a alternativa D. Acórdase tamén anular a pregunta do segundo exercicio número 82 e substituíla pola pregunta de reserva número 126.

No proceso de promoción interna, ao abeiro do previsto na base II.1.2.7 da convocatoria, anular a pregunta do primeiro exercicio número 37 e substituíla pola pregunta de reserva 101, así como modificar o modelo de corrección de respostas da pregunta 59, en que a correcta é a alternativa D. Acórdase tamén anular a pregunta do segundo exercicio número 62 e substituíla pola pregunta de reserva número 104.

Desestímanse na súa totalidade as restantes alegacións.

Segundo. Pola quenda de acceso libre superan o primeiro exercicio setecentas cincuenta e tres (753) persoas aspirantes que obtiveron unha puntuación mínima de 20 puntos e fixouse en 40,00 o número de respostas correctas necesarias para acadar a dita puntuación, unha vez feitas as deducións previstas na base II.1.1.1 da convocatoria.

Pola quenda de promoción interna superan o primeiro exercicio seis (6) persoas aspirantes que obtiveron unha puntuación mínima de 20 puntos e fixouse en 24,00 o número de respostas correctas necesarias para acadar a dita puntuación, unha vez feitas as deducións previstas na base II.1.1.1 da convocatoria.

Terceiro. Pola quenda de acceso libre superan o segundo exercicio setecentas trinta e tres (733) persoas aspirantes que obtiveron unha puntuación mínima de 10 puntos fixouse en 16,00 o número de respostas correctas necesarias para acadar a dita puntuación, unha vez feitas as deducións previstas na base II.1.1.2 da convocatoria.

Pola quenda de promoción interna superan o segundo exercicio seis (6) persoas aspirantes que obtiveron unha puntuación mínima de 10 puntos e fixouse en 16,00 o número de respostas correctas necesarias para acadar a dita puntuación, unha vez feitas as deducións previstas na base II.1.1.2 da convocatoria.

Cuarto. Publicar as puntuacións obtidas polas persoas aspirantes que superaron o primeiro exercicio do proceso selectivo mediante o sistema de concurso-oposición para o ingreso, pola quenda de acceso libre e promoción interna, no corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, escala auxiliar do Servizo de Prevención e Defensa contra Incendios Forestais, especialidade de bombeiro forestal (DOG núm. 20, do 30 de xaneiro), no portal web corporativo xunta.gal/funcion-publica

Publicar as puntuacións obtidas polas persoas aspirantes que superaron o segundo exercicio do proceso selectivo mediante o sistema de concurso-oposición para o ingreso, pola quenda de acceso libre e promoción interna, no corpo de auxiliares de carácter técnico da Administración especial de Administración xeral da Comunidade Autónoma de Galicia, subgrupo C2, escala auxiliar do Servizo de Prevención e Defensa contra Incendios Forestais, especialidade de bombeiro forestal (DOG núm. 20, do 30 de xaneiro), no portal web corporativo xunta.gal/funcion-publica.

Quinto. De acordo co disposto na base II.1.2.8 da convocatoria, as persoas aspirantes poderán presentar as alegacións que consideren oportunas con relación ás puntuacións no prazo de dez (10) días hábiles, contados desde o seguinte ao de publicación desta resolución no Diario Oficial de Galicia.

Sexto. De acordo co disposto na base II.1.1.4 da convocatoria, as persoas aspirantes que superaron o segundo exercicio disporán dun prazo de dez (10) días hábiles, contados desde o seguinte ao da publicación desta resolución no Diario Oficial de Galicia, para presentaren a documentación xustificativa de estar en posesión do Celga 3 ou título equivalente debidamente homologado de acordo coa disposición adicional segunda da Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro).

A dita documentación deberá tramitarse a través da aplicación Fides (https://fides.xunta.gal) na epígrafe Expediente-e→Idiomas-Galego. Esta acreditación realizarase de conformidade co establecido na Resolución do 5 de decembro de 2023, da Dirección Xeral da Función Pública, pola que se ditan instrucións para regular o contido, uso e acceso ao expediente persoal electrónico do persoal empregado público da Administración xeral da Comunidade Autónoma de Galicia e das entidades públicas instrumentais (DOG núm. 237, do 15 de decembro).

Non terá que presentar a documentación xustificativa de exención quen xa acreditase a posesión do Celga requirido e así conste na listaxe de persoas aspirantes publicada pola Dirección Xeral de Emprego Público e Administración de Persoal no portal web corporativo xunta.gal/funcion-publica

Sétimo. De conformidade co disposto na base III.13 da convocatoria, contra este acordo poderase interpor recurso de alzada, ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 27 de xullo de 2026

Fernando Veiga Aguiar
Presidente do tribunal