Logo de ver o expediente de outorgamento da autorización administrativa previa e de construción para a instalación eléctrica que a continuación se describe:

Peticionaria: Begasa.

Domicilio social: rúa Aller Ulloa, Ramón María, 9, 27003 Lugo.

Denominación: LAT 20 kV subterránea e CS Carballido.

Situación: concello da Fonsagrada.

Características técnicas principais:

• Liña aérea de alta tensión a 20 kV Fonsagrada_1, con orixe no apoio 208170 existente e final no apoio 208173 existente. Neste tramo, substitúese un apoio existente por un apoio novo tipo C-2000/14 (A29726), substitúense 203 metros de condutor existente por condutor novo tipo LA-56 e reténsanse 90 metros de condutor existente tipo LA-56.

• Liña aérea de alta tensión a 20 kV Fonsagrada_1 derivación a CT 1389 Vilar de Calvos, con orixe no apoio proxectado A80214 tipo C-2000/14 e final no apoio 208117 existente, cunha lonxitude de 308 metros de condutor existente tipo LA-30.

• Liña soterrada de alta tensión a 20 kV Fonsagrada_1 a CS Carballido, con orixe nun PAS situado no apoio proxectado A29726. Entra e sae no novo CS prefabricado Carballido e remata noutro PAS situado no apoio proxectado A29726, cunha lonxitude de 80 metros en condutor tipo HEPRZ1-240.

• Liña soterrada de alta tensión a 20 kV Fonsagrada_1 derivación a CT 1389 Vilar de Calvos a CS Carballido, con orixe nun PAS situado no apoio proxectado A80214 e final no novo CS prefabricado Carballido, cunha lonxitude de 100 metros en condutor tipo HEPRZ1-240.

• CS prefabricado Carballido, no cal se instalan tres celas de liña telemandadas e unha de alimentación a servizos auxiliares.

• Desmontaxe de 203 metros de condutor LA-56, 69 metros de condutor LA-30, un apoio de formigón, un seccionador S278451 e dous apoios de formigón.

Finalidade da instalación: mellora de instalacións.

Orzamento: 93.029,74 €.

Documentación que se xunta:

• Separata para o Concello da Fonsagrada.

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e consonte o Decreto 9/2017, do 12 de xaneiro, sobre órganos competentes para a autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción das ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración. Esta autorización atópase supeditada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá levala a cabo un técnico ou técnica competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manteñan as condicións regulamentarias de seguridade.

Terceira. Deberán cumprirse en todo momento as normativas e directrices vixentes que sexan de aplicación; en particular, a Lei 24/2013, do 26 de decembro, do sector eléctrico; o Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Cuarta. O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En caso de resultar aplicable, e en función da tipoloxía da instalación, deberán respectarse os prazos establecidos no artigo 13.9 do Regulamento (UE) núm. 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) núm. 2019/1937 e se derroga o Regulamento (UE) núm. 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura. Unha vez construídas estas instalacións, a empresa promotora deberá presentar a solicitude de autorización de explotación ante este departamento territorial, acompañada da documentación requirida na lexislación vixente de aplicación.

Contra esta resolución, poderase interpor recurso de alzada perante a conselleira de Economía e Industria, no prazo dun mes a partir do día seguinte ao da notificación ou publicación desta resolución, e tamén se poderá interpor calquera outro recurso que se considere pertinente en dereito.

Lugo, 29 de xullo de 2026

Gustavo José Casasola de Cabo
Director territorial de Lugo