A Xunta de Goberno Local, en sesión extraordinaria que tivo lugar o 30 de xuño de 2026, acordou prestar aprobación inicial ao estudo de detalle no quinteiro entre a avenida Pontevedra e a rúa Victoria en Portonovo, do concello de Sanxenxo, promovido por Caneliñas Invest, S.L.

De conformidade co establecido no artigo 80 da Lei 2/2016, do 10 de febreiro, do solo de Galicia, exponse o expediente a información pública polo prazo dun mes, contado a partir do día seguinte ao da publicación do anuncio no Diario Oficial de Galicia e nun dos xornais de máis ampla difusión da provincia, co obxecto de que se poidan formular as alegacións que se consideren procedentes.

O documento inicialmente aprobado estará á disposición dos interesados na sede electrónica deste concello http://concellodesanxenxo.sedelectronica.gal

Durante o prazo máximo de dous anos contados desde a data da aprobación inicial, queda suspendido o outorgamento de licenzas de parcelación e edificación na área afectada polo estudo de detalle, identificada nos planos de información do instrumento de planeamento inicialmente aprobado.

Sanxenxo, 27 de xullo de 2026

Telmo Martín González
Alcalde presidente