DOG 157 do 20/8/2026 - EXTRACTO da Orde do 28 de xullo de 2026 pola que se convocan, para o ano 2026, as axudas destinadas á creación e consolidación das organizacións de produtores pesqueiros e asociacións de organizacións de produtores pesqueiros, con ámbito de actuación na Comunidade Autónoma de Galicia, cofinanciadas co Fondo Europeo Marítimo, de Pesca e de Acuicultura (FEMPA) (código de procedemento PE155D).

III. Outras disposicións

Consellería do Mar

EXTRACTO da Orde do 28 de xullo de 2026 pola que se convocan, para o ano 2026, as axudas destinadas á creación e consolidación das organizacións de produtores pesqueiros e asociacións de organizacións de produtores pesqueiros, con ámbito de actuación na Comunidade Autónoma de Galicia, cofinanciadas co Fondo Europeo Marítimo, de Pesca e de Acuicultura (FEMPA) (código de procedemento PE155D).

BDNS (Identif.): 925378.

De conformidade co previsto nos artigos 17.3.b) y 20.8.a) da Lei 38/2003, de 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvenciones:

https://www.infosubvenciones.es/bdnstrans/GE/es/convocatoria/925378

Primeiro. Entidades beneficiarias

Poderán ser entidades beneficiarias desta axuda as organizacións de produtores pesqueiros e as súas asociacións recoñecidas no ámbito da Comunidade Autónoma de Galicia a partir do 1 de xaneiro do 2014 sempre que non esgotasen o máximo das anualidades subvencionables, que son as cinco inmediatamente posteriores ao seu recoñecemento.

Segundo. Obxecto

O obxecto desta orde é convocar para o exercicio 2026 a concesión de axudas ás organizacións de produtores do sector pesqueiro e da acuicultura no ámbito da Comunidade Autónoma de Galicia no marco do Fondo Europeo Marítimo, de Pesca e de Acuicultura (FEMPA) para o período 2021-2027, código de procedemento PE155D, destinadas á consolidación de organizacións de produtores pesqueiros (OPP) e de asociación de organizacións de produtores pesqueiros (AOP), recoñecidas no ámbito da Comunidade Autónoma de Galicia.

Terceiro. Bases reguladoras

Orde do 26 de setembro de 2024 pola que se establecen as bases reguladoras para a concesión de diferentes liñas de axudas ás organizacións de produtores do sector pesqueiro e da acuicultura no ámbito da Comunidade Autónoma de Galicia no marco do Fondo Europeo Marítimo, de Pesca e de Acuicultura (FEMPA) para o período 2021-2027. Códigos de procedemento PE155C e PE155D (DOG núm. 193, do 7.10.2024).

As bases reguladoras foron publicadas no Diario Oficial de Galicia número 193, do 7 de outubro de 2024.

Cuarto. Importe

Para o ano 2026 o importe total máximo das subvencións que se concedan será de 200.000,00 euros, e concederanse con cargo á aplicación orzamentaria 2026.16.02.723B.780.0, que figura dotada no orzamento de gastos da Consellería do Mar para o ano 2026.

Liña de axudas	Tipoloxía das entidades beneficiarias	Aplicación orzamentaria	Importe (euros)
Axudas á consolidación das organizacións de produtores pesqueiros	Organizacións sen ánimo de lucro	2026.16.02.723B.780.0	200.000,00

Quinto. Prazo de presentación de solicitudes

Para esta convocatoria, o prazo de presentación das solicitudes será dun (1) mes contado a partir do día seguinte ao da publicación desta orde no Diario Oficial de Galicia.

No caso de que o último día sexa inhábil, entenderase prorrogado ao primeiro día hábil seguinte.

Santiago de Compostela, 28 de xullo de 2026

Marta Barreiro Castro
Secretaria xeral técnica da Consellería do Mar