Para cumprir co que dispón o artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese practicar...», mediante este anuncio convócanse todas as persoas interesadas para o acto de pagamento dos prezos xustos e dos xuros derivados do procedemento expropiatorio sobre os bens e dereitos afectados pola instalación eléctrica denominada LAT 220 kV Lousame-Tivo, no concello de Brión (expediente IN407A 2010/268-1), correspondentes aos predios e ás titularidades que se sinalan no cadro anexo que se detalla máis abaixo, e que terá lugar o día 21 de outubro de 2026 no edificio administrativo do mencionado concello.

A Coruña, 12 de agosto de 2026

Isidoro Martínez Arca
Director territorial da Coruña

ANEXO

Expediente: IN407A 2010/268-1.

Entidade beneficiaria: Red Eléctrica de España, S.A.U.

Denominación da instalación: LAT 220 kV Lousame-Tivo.

Concello: Brión.

Predio	Lugar	Titularidade	Data	Hora
126	Abeleiro Longo	En investigación, artigo 47 da Lei 33/2003	21.10.2026	12.50
346	Esivada de Beca	María Botana Zapata, Manuel Pérez Barco e herdeiros de Manuel Barco Salgueiro	21.10.2026	12.20
348	Esivada de Beca	María Soledad e Alfredo Romero Pedreira, Manuel Romero Cobas e Adelina Pedreira Barreiro	21.10.2026	12.40
349	Esivada de Beca	Descoñecida	21.10.2026	12.50