De conformidade coa proposta elevada polo tribunal cualificador das probas selectivas convocadas pola Resolución do 6 de maio de 2025 (Diario Oficial de Galicia do 19 de maio e Boletín Oficial del Estado do 16 de xuño) para cubrir con persoal laboral fixo unha praza vacante na categoría profesional técnico/a superior de linguas modernas, perfil galego-portugués, grupo I, pola quenda de acceso libre, unha vez comprobado que a persoa seleccionada reúne os requisitos exixidos na base 2 da convocatoria e de conformidade co disposto no artigo 85.j) dos estatutos da USC,

RESOLVO:

Primeiro. Aprobar a proposta efectuada polo tribunal cualificador e contratar como persoal laboral fixo na categoría profesional de técnico/a superior de linguas modernas, perfil galego-portugués, a persoa que superou o proceso selectivo e que se indica no anexo desta resolución.

Segundo. A persoa seleccionada formalizará o seu contrato ante o Servizo de Xestión de Persoal, no prazo dun mes, contado a partir do día seguinte ao da publicación desta resolución no Diario Oficial de Galicia.

No caso de que a persoa aspirante se atope en situación de incapacidade temporal, o prazo para a sinatura do contrato comezará a partir do día hábil seguinte ao da data da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, nas que se poderá asinar o contrato durante esta situación.

Contra a presente resolución que pon fin á vía administrativa, poderase interpoñer demanda no Xulgado do Social no prazo de dous meses contados desde o día seguinte ao da súa publicación, de conformidade co disposto no artigo 69 da Lei 36/2011 reguladora da xurisdición social.

Non obstante, poderase interpoñer recurso potestativo de reposición no prazo dun mes ante o órgano que a ditou ao abeiro do artigo 123 da Lei 39/2015, do procedemento administrativo común das administracións públicas.

Santiago de Compostela, 18 de agosto de 2026

Rosa María Crujeiras Casais
Reitora da Universidade de Santiago de Compostela

ANEXO

Número de orde	DNI	Apelidos e nome
1	***7074**	Formoso Cuesta, Laura