Rebeca Santiago Cobo interpuxo un recurso contencioso-administrativo contra a Resolución do 8 de abril de 2025, da Universidade de Vigo, mediante a que se lle denegou a continuación do procedemento selectivo de estabilización de emprego temporal, convocado mediante a Resolución do 1 de decembro de 2022 (DOG do 16 de decembro).

A Sentenza da praza nº 1 da Sección do Contencioso-Administrativo do Tribunal de Instancia de Vigo, do 11 de febreiro de 2026, estimou o recurso e condenou a Universidade de Vigo a proseguir os trámites do proceso selectivo e nomear a seguinte aspirante.

En execución desta sentenza ditouse a Resolución do 28 de xullo de 2026 pola que se modificou a relación de aspirantes que superaron o proceso selectivo polo sistema de concurso, para o ingreso na escala técnica superior de servizos xerais, da subescala de innovación educativa.

Verificado o cumprimento dos requisitos exixidos nas bases da convocatoria e de conformidade co disposto na Lei orgánica 2/2023, do 22 de marzo, do sistema universitario, esta reitoría

RESOLVEU:

Primeiro. Nomear a Rebeca Santiago Cobo, con DNI ***7204**, funcionaria de carreira da escala técnica superior de servizos xerais, da subescala de innovación educativa, con adxudicación do seguinte posto definitivo:

Código	Denominación do posto	Unidade	CD	SG	Q	C
36000 PF1280 1	Técnico/a de innovación educativa	Xerencia	23	A1	M e T	V

CD: complemento de destino. Q: Quenda; M: mañá e tarde.

SG: subgrupo de titulación. C: Campus; V: Vigo.

Segundo. De acordo co disposto no artigo 60.d) da Lei 2/2015, do 29 de abril, do emprego público de Galicia, para adquirir a condición de persoal funcionario de carreira deberase prestar acto de acatamento da Constitución, do Estatuto de autonomía de Galicia e do resto do ordenamento xurídico, así como declarar o seu compromiso de exercer con imparcialidade as súas funcións.

Terceiro. De conformidade co previsto na Lei 53/1984, do 26 de decembro, de incompatibilidades do persoal ao servizo das administracións públicas, para tomar posesión a persoa deberá formular unha declaración expresa ou realizar a opción prevista na devandita lei.

Cuarto. A toma de posesión deberá efectuarse no prazo dun mes a partir do día seguinte ao da publicación no DOG desta resolución.

Contra esta resolución, que esgota a vía administrativa, poderase interpoñer recurso ante a xurisdición contencioso-administrativa no prazo de dous meses, contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

As persoas interesadas poderán optar por interpoñer contra esta resolución un recurso de reposición, no prazo dun mes contado a partir do día seguinte ao da súa publicación, ante o mesmo órgano que a ditou. Neste caso non se poderá interpoñer un recurso contencioso-administrativo ata que sexa resolto expresamente ou se producise a desestimación presunta do recurso de reposición interposto, segundo o previsto no artigo 123.2 da Lei 39/2015, do 1 de outubro, do procedemento administrativo común das administracións públicas.

Vigo, 30 de xullo de 2026

María Carmen García Mateo
Reitora da Universidade de Vigo