A aprobación da modificación da relación de postos de traballo da Administración xeral da Comunidade Autónoma de Galicia resulta da necesidade de garantir que todas as persoas adxudicatarias de postos de traballo en virtude da Resolución do 13 de abril de 2026, da Dirección Xeral de Emprego Público e Administración de Persoal, pola que se resolve o concurso ordinario para a provisión de postos de traballo vacantes da Administración xeral da Comunidade Autónoma de Galicia, convocado pola Resolución do 13 de maio de 2024 (DOG núm. 71, do 17 de abril), poidan tomar posesión dun posto con carácter definitivo, xa que os postos adxudicados están afectados por procedementos xudiciais seguidos ante o Tribunal Superior de Xustiza de Galicia ; así como polas razóns indicadas no punto primeiro do acordo.

En consecuencia, unha vez consultadas as organizacións sindicais presentes na Mesa de Negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do 14 de setembro de 2026, adoptou o seguinte

ACORDO:

Primeiro. Aprobar a modificación da relación de postos de traballo da Administración xeral da Comunidade Autónoma de Galicia nos termos que se sinalan no anexo a este acordo, como consecuencia das necesidades funcionais e organizativas actuais.

Segundo. Ordenar a súa publicación no Diario Oficial de Galicia para os efectos da entrada en vigor o día da súa publicación.

Visto o acordo adoptado polo Consello da Xunta de Galicia na súa reunión do 14 de setembro de 2026, relativo á aprobación da modificación da relación de postos de traballo da Administración xeral da Comunidade Autónoma de Galicia, coa finalidade de cumprir o dito acordo, de conformidade coa Orde da Consellería de Facenda do 8 de xaneiro de 2020 sobre delegación de competencias na Dirección Xeral da Función Pública (DOG núm. 16, do 24 de xaneiro), dispoño que se publique no Diario Oficial de Galicia como anexo a esta resolución.

Santiago de Compostela, 14 de setembro de 2026

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal