En cumprimento do disposto no artigo 23 da Lei 3/2008, de ordenación da minería de Galicia, no artigo 36 da Lei 21/2013, do 9 de decembro, de avaliación ambiental, e no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras, sométese ao trámite de información pública a documentación relacionada coa solicitude de ampliación da autorización de explotación de recursos da sección A) denominada Carregal núm. 361.

Solicitante: Lemmar Granite, S.L., NIF B94148483.

Denominación do proxecto: Proxecto de explotación da ampliación do dereito mineiro de aproveitamento do recurso da sección A) denominado Carregal núm. 361.

Recurso: granito ornamental.

Concello afectado: Leiro, provincia de Ourense.

Documentación que se expón:

1. Proxecto de explotación (asinado o 10.2.2025).

2. Plan de restauración (asinado o 22.10.2025).

3. Estudo de impacto ambiental (asinado o 10.2.2025).

4. Estudo de impacto e integración paisaxística (asinado o 5.7.2023).

5. Documento de síntese (resumo non técnico).

O que se fai público para o coñecemento xeral e para que todas aquelas persoas ou entidades que se consideren afectadas poidan examinar a documentación e presentar as alegacións que consideren oportunas no prazo de trinta (30) días hábiles, contado desde o día seguinte ao da publicación deste anuncio no Diario Oficial de Galicia.

Órgano competente: o órgano competente para autorizar o proxecto de explotación e o plan de restauración é a Dirección Xeral de Planificación Enerxética e Minas.

Procedemento de avaliación ambiental: o proxecto de explotación está suxeito á avaliación de impacto ambiental ordinaria, segundo o establecido no artigo 7.1 da Lei 21/2013, do 9 de decembro, de avaliación ambiental.

Toda a documentación estará á disposición das persoas interesadas nas dependencias da Sección de Minas do Departamento Territorial de Ourense da Consellería de Economía e Industria (rúa Curros Enríquez, núm. 1, 3º andar, 32003 Ourense), das 9.00 ás 14.00 horas, de luns a venres, así como na seguinte ligazón web da consellería:

https://ceei.xunta.gal/transparencia/informacion-publica/en-tramitacion/explotacions-mineiras

Ourense, 28 de agosto de 2026

Jorge Pumar Tesouro
Director territorial de Ourense