De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e dado que os titulares dos bens que se relacionan a continuación son descoñecidos e resulta imposible a súa notificación, comunícase ás persoas responsables a súa obriga legal de xestión da biomasa e retirada de especies arbóreas prohibidas nas parcelas que se describen, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia:

Data da acta de inspección	Referencia catastral	Localización/polígono/parcela	Persoa responsable
4.9.2026	36041A015001130000OZ	Outeiriño. Poio. Polígono 15, parcela 113	Manuel González Otero
4.9.2026	36041A015001160000OW	Outeiriño. Poio. Polígono 15, parcela 116	Manuel González Otero
4.9.2026	36041A015001150000OH	Outeiriño. Poio. Polígono 15, parcela 115	Juan Antonio Álvarez López

1º. En virtude do que antecede, comunícaselle que na acta de inspección referenciada se comprobou que na referida parcela se incumpre o establecido no artigo 21 da Lei 3/2007. Polo tanto, dispón dun prazo máximo de 15 días naturais para o cumprimento voluntario de xestión da biomasa na parcela citada, que se iniciará o día seguinte ao da recepción desta notificación.

2º. En caso de persistencia no incumprimento transcorrido o devandito prazo, o Concello procederá sen máis trámites á execución subsidiaria con repercusión dos custos de xestión da biomasa e, se é o caso, comiso das especies arbóreas prohibidas retiradas pola Administración, nas condicións establecidas no artigo 22.2 da citada Lei 3/2007, do 9 de abril, de prevención e defensa contra os incendios forestais de Galicia, sen prexuízo da instrución do procedemento sancionador que corresponda.

3º. No caso de proceder á execución subsidiaria, o Concello liquidará provisionalmente os custos a que previsiblemente dará lugar, coa advertencia de que se procederá á súa exacción inmediata en caso de persistencia no incumprimento, logo do transcurso do prazo outorgado, sen prexuízo da liquidación definitiva unha vez rematados os traballos, de ser o caso. Neste caso, a liquidación provisional dos traballos necesarios para xestionar a biomasa nas faixas secundarias establécese nunha cantidade estimada de 3.545,82 euros por hectárea, para os traballos de corta polo pé, tronza, empilamento e saca mecanizada das árbores.

Nº de expediente	Referencia catastral	Hectáreas afectadas pola execución subsidiaria	Liquidación provisional
1276/2018 (xMA 18/090)	36041A015001130000OZ	0,0331	117,37
1276/2018 (xMA 18/090)	36041A015001160000OW	0,0239	84,75
1276/2018 (xMA 18/090)	36041A015001150000OH	0,0182	64,53

4º. En caso de persistencia no incumprimento, e transcorrido o prazo outorgado, iniciarase tamén o correspondente procedemento sancionador segundo o previsto no título VII da Lei 3/2007.

Poio, 4 de setembro de 2026

Ángel Moldes Martínez
Alcalde