BDNS (Identif.): 930399.

De acordo co disposto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de datos nacional de subvencións:

https://www.infosubvenciones.es/bdnstrans/GE/es/convocatoria/930399

Primeiro. Persoas beneficiarias

Alumando que superou o traballo fin de grao ou máster universitario durante o curso 2025/26 na Universidade de Vigo cunha cualificación mínima de 9 puntos. Alumnado que defendeu a tese entre o 1 de outubro de 2025 e o 30 de setembro de 2026 coa cualificación de sobresaínte cum laude.

Segundo. Obxecto

O recoñecemento e a difusión dos mellores traballos de fin de estudos de grao (TFG), traballos de fin de máster universitario (TFM) e teses de doutoramento (TD) que inclúan a perspectiva de xénero e/ou feminista, realizados polo estudantado da Universidade de Vigo.

Terceiro. Bases reguladoras

Resolución do 17 de setembro de 2026 pola que se convocan os premios Egeria á inclusión da perspectiva de xénero e/ou feminista nos traballos de fin de estudos de grao, de máster universitario e de teses de doutoramento da Universidade de Vigo.

Cuarto. Contía

A contía total do crédito destinado a estas axudas será de seis mil trescentos euros (6.300 €).

Quinto. Prazo de presentación de solicitudes

Desde o 18 de setembro ata o 8 de outubro de 2026.

Vigo, 17 de setembro de 2026

María Carmen García Mateo
Reitora da Universidade de Vigo