De conformidade coa proposta elevada polo tribunal cualificador das probas selectivas convocadas pola Resolución reitoral do 9 de maio de 2025 (Diario Oficial de Galicia do 21 de maio) para cubrir con persoal laboral fixo dúas prazas da categoría profesional de técnico/a de investigación, área bioloxía-saúde (animalarios), pola quenda de acceso libre, unha vez comprobado que as persoas seleccionadas reúnen os requisitos exixidos na base 2 da convocatoria, e de conformidade co disposto no artigo 85.j) dos estatutos da Universidade de Santiago de Compostela (USC),

RESOLVO:

Primeiro. Aprobar a proposta feita polo tribunal cualificador e contratar como persoal laboral fixo na categoría profesional de técnico/a de investigación, área bioloxía-saúde, as persoas que superaron o proceso selectivo e que se relacionan no anexo desta resolución.

Segundo. As persoas seleccionadas formalizarán o seu contrato, ante o Servizo de Xestión de Persoal, no prazo dun mes contado a partir do día seguinte ao da publicación desta resolución no Diario Oficial de Galicia.

No caso de que as persoas aspirantes se encontren en situación de incapacidade temporal, o prazo para a sinatura do contrato comezará a partir do día hábil seguinte ao da data da alta médica, que deberán acreditar. Quedan exceptuadas do disposto neste parágrafo as situacións derivadas da maternidade ou paternidade, en que se poderá asinar o contrato durante esta situación.

Contra esta resolución, que pon fin á vía administrativa, poderase interpoñer demanda, ante o Xulgado do Social, no prazo de dous meses contados desde o día seguinte ao da súa publicación, de conformidade co disposto no artigo 69 da Lei 36/2011, reguladora da xurisdición social.

Non obstante, poderase interpoñer recurso potestativo de reposición no prazo dun mes, ante o órgano que a ditou, ao abeiro do artigo 123 da Lei 39/2015, do procedemento administrativo común das administracións públicas.

Santiago de Compostela, 15 de setembro de 2026

Rosa María Crujeiras Casais
Reitora da Universidade de Santiago de Compostela

ANEXO

Núm. de orde	DNI	Apelidos e nome	Código	Posto adxudicado	Quenda	Campus	Observacións
1	***4564**	Meilán Pacio, Laura	PL000411	Técnico de investigación, área bioloxía-saúde Centro de Biomedicina Experimental	Xornada partida	Santiago de Compostela	Capacitación ou formación para o exercicio das funcións a, b, c, segundo a Orde ECC/566/2015
2	***3781**	Gaciño Vicente, José Francisco	PL000406	Técnico de investigación, área bioloxía-saúde Centro de Biomedicina Experimental	Mañá	Santiago de Compostela	Capacitación ou formación para o exercicio das funcións a, b, c, segundo a Orde ECC/566/2015