O Pleno do Concello, na sesión que tivo lugar o 10.9.2026, adoptou, entre outros, o seguinte acordo:

Primeiro. Tomar coñecemento e aceptar o informe municipal do 5.3.2026, de contestación ás alegacións recibidas (CSV 6O2F 2132 2S0Y 2B2E 09GT) e notificar a contestación destas á persoa interesada.

Segundo. Aprobar definitivamente o documento denominado Estudo de detalle do quinteiro Z4-R17L do SURT 1 Visma (San Pedro), para a reordenación volumétrica, o reaxustamento de aliñacións e rasantes e a concreción de condicións estéticas en agosto de 2026 (CSV 5716 3X0K 4T2N 1D6Z 02WE), promovido por Metrovacesa, S.A., redactado Álvaro Romero Arquitectos, S.L., sociedade profesional colexiada co nº 20.084 do COAG, e asinado polos arquitectos representantes Álvaro P. Romero Gil-Delgado e Hugo Romero Novás, cos números de colexiados 979 e 4.654, respectivamente.

Terceiro. Ordenar a realización dos trámites administrativos recollidos nos artigos 82 e 88 da Lei 2/2016, do 10 de febreiro, do solo de Galicia, e concordantes do regulamento de desenvolvemento desta lei, para procurar a eficacia do acto de aprobación definitiva e a entrada en vigor do estudo de detalle.

Cuarto. Notificarlles este acordo ao promotor do documento, ás persoas interesadas no procedemento, e ás áreas municipais interesadas na tramitación do expediente.

O contido integro do estudo de detalle poderase consultar fisicamente nas dependencias da Área Municipal de Planificación Estratéxica, e de xeito dixital na sede electrónica deste Concello, na páxina web https://www.coruna.gal/urbanismo na epígrafe Planeamento/planeamento vixente, ou ben, desde a mesma páxina web, a través do visor Desenvolvemento do planeamento.

Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo máximo de dous meses, que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme a dereito.

A Coruña, 18 de setembro de 2026

A alcaldesa
P.D. (Decreto 5900/2026, do 28 de xullo; BOP núm. 146, do 4 de agosto)
José Manuel Lage Tuñas
Concelleiro delegado responsable da Área de Economía e Planificación Estratéxica