Logo de convocada a provisión, polo sistema de libre designación, dun posto de traballo vacante na Oficina Coordinadora de Ferrol da Delegación Territorial da Xunta de Galicia de Ferrol, anunciada pola Orde do 24 de agosto de 2026 (DOG núm. 163, do 28 de agosto), con corrección de erros no DOG núm. 164, do 31 de agosto, de conformidade co establecido no artigo 92 da Lei 2/2015, do 29 de abril, do emprego público de Galicia, e nos artigos 26 e 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da Lei 2/2015, do 29 de abril, a Consellería de Presidencia, Xustiza e Deportes
DISPÓN:
Primeiro. Resolver a convocatoria pública para a provisión, polo sistema de libre designación, dun posto de traballo vacante na Oficina Coordinadora de Ferrol da Delegación Territorial da Xunta de Galicia de Ferrol, anunciada pola Orde do 24 de agosto de 2026 (DOG núm. 163, do 28 de agosto), con corrección de erros no DOG núm. 164, do 31 de agosto.
Segundo. Adxudicar destino no posto de traballo que se indica e seleccionar o funcionario que se relaciona no anexo desta orde, conforme ao que establecen as bases da convocatoria.
Terceiro. O cesamento no destino actual do funcionario que obtivo praza producirase no prazo de tres días hábiles, contados a partir do seguinte ao da data de publicación desta orde no Diario Oficial de Galicia.
O prazo para a toma de posesión do novo destino será de tres días hábiles a partir do seguinte ao do cesamento, se non implica cambio de residencia, ou de sete días hábiles, se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8.1 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico.
O cómputo dos prazos posesorios iniciarase cando finalicen os permisos ou as licenzas que, se é o caso, se lles concedesen ás persoas interesadas. Nos supostos de incapacidade temporal, o cómputo do prazo iniciarase a partir da correspondente alta.
Cuarto. A xefatura do centro en que cause baixa a persoa funcionaria, así como a daquel en que obteña destino, consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión.
Quinto. Contra esta orde, que pon fin á vía administrativa, as persoas interesadas poderán interpoñer recurso potestativo de reposición ante este mesmo órgano, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de setembro de 2026
O conselleiro de Presidencia, Xustiza e Deportes
P.D. (Orde do 31.7.2026; DOG núm. 145, do 4 de agosto)
Beatriz Cuiña Barja
Secretaria xeral da Presidencia
ANEXO
Apelidos e nome: Evia Pérez, Guillermo Ramón.
DNI: ***3326**.
Subgrupo: A1.
Corpo/escala: corpo facultativo superior, escala de arquitectos.
Denominación do posto: xefatura da oficina coordinadora.
Código: PX.C99.20.000.15350.001.
Nivel: 26.
Dependencia: Oficina Coordinadora de Ferrol da Delegación Territorial da Xunta de Galicia de Ferrol.
Localidade: Ferrol.
*O DNI amósase cifrado co fin de protexer os datos de carácter persoal.