Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
Solicitante: UFD Distribución Electricidad, S.A.
Domicilio social: avenida América, 38, 28028 Madrid.
Denominación: LMTS e substitución do CT Cedeira (36CC51).
Situación: Redondela.
Características técnicas:
– Retirada do centro de transformación (CT) Cedeira (36CC51), de 400 kVA, do tipo non prefabricado e caseta alta.
– Liña de media tensión subterránea (LMTS) a 15 kV con condutor RHZ1 12/20 kV 3×(1×240) mm2 Al, de 28 metros de lonxitude, con orixe e final nos puntos de acceso á rede proxectados para a conexión coa LMTS existente RED712, con entrada e saída no CT proxectado.
– Centro de transformación prefabricado, telecontrolado, con celas compactas 2L+1P, de 400 kVA, con relación de transformación 15.000/400 V, que se situará na parcela con referencia catastral 1308604NG3810N0001ZA.
A instalación está situada na rúa do Cruceiro e no camiño do Buscal, lugar do Cruceiro-Cedeira, no concello de Redondela (Pontevedra).
A relación concreta e individualizada dos bens ou dereitos que se van expropiar figura no anexo.
O proxecto encóntrase á disposición do público durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta nas dependencias da Sección de Enerxía do Departamento Territorial da Consellería de Economía e Industria de Pontevedra, Edificio Administrativo Campolongo, avenida María Victoria Moreno, 43, 36071 Pontevedra, das 9.00 ás 14.00 horas, de luns a venres, con cita previa no teléfono 986 80 52 37, así como no portal da mencionada consellería (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).
Durante o devandito período, calquera persoa poderá formular as alegacións que considere oportunas, por razón do disposto no artigo 145 do Real decreto 1955/2000 anteriormente citado.
Pontevedra, 3 de setembro de 2026
Beatriz López del Olmo
Directora territorial de Pontevedra
ANEXO
Número de expediente: IN407A 2026/134-4.
Denominación: LMTS e substitución do CT Cedeira (36CC51).
Concello: Redondela.
|
Nº |
Lugar |
Terreo |
Referencia catastral |
Titular |
Afeccións |
||
|
Pleno dominio |
Servidume |
||||||
|
CTC (m2) |
ml sub. |
m2 sub. |
|||||
|
1 |
Camiño Buscal de Cedeira, 1, Redondela |
Solo de núcleo rural común |
1308604NG3810N0001ZA |
Cándida Otero Barcilea |
16,81 |
- |
- |