Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida América, 38, 28028 Madrid.

Denominación: LMTS, substitución do CTI Chaín (36A743) por CTC.

Situación: Gondomar.

Características técnicas:

– Desmantelamento do centro de transformación intemperie Chaín (36A743) de 160 kVA.

– Instalación dun centro de transformación compacto de tipo prefabricado con envolvente de formigón de manobra exterior 2L+1P de 250 kVA, con relación 15.000/400 V.

– Liña de media tensión subterránea (LMTS) a 15 kV con condutor RHZ1-2OL 12/20 kV 3×(1×150) de 35 metros de lonxitude, con orixe e final nos empalmes para realizar no punto de acceso á rede, con entrada e saída no centro de transformación proxectado.

A instalación está situada no lugar de Igrexa, Chaín, s/n, no concello de Gondomar (Pontevedra).

A relación concreta e individualizada dos bens ou dereitos que se van expropiar figura no anexo.

O proxecto encóntrase á disposición do público durante un prazo de trinta días hábiles, contados a partir do día seguinte ao da publicación deste anuncio no Diario Oficial de Galicia, para a súa consulta nas dependencias da Sección de Enerxía do Departamento Territorial da Consellería de Economía e Industria de Pontevedra, Edificio Administrativo Campolongo, avenida María Victoria Moreno, 43, 36071 Pontevedra, das 9.00 ás 14.00 horas, de luns a venres, con cita previa no teléfono 986 80 52 37; así como no portal da mencionada consellería (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).

Durante o devandito período, calquera persoa poderá formular as alegacións que considere oportunas, por razón do disposto no artigo 145 do Real decreto 1955/2000 anteriormente citado.

Pontevedra, 4 de setembro de 2026

Beatriz López del Olmo
Directora territorial de Pontevedra

ANEXO

Número de expediente: IN407A 2026/200-4.

Denominación: LMTS, substitución do CTI Chaín (36A743) por CTC.

Concello: Gondomar.

Nº	Lugar	Terreo	Referencia catastral	Titular	Afeccións
					Pleno dominio	Servidume
					CT (m2)	ml sub.	m2 sub.
1	Lugar Igrexa, Chaín (Gondomar)	Rústico	1630220NG2613S0000BQ	Ledicia Rey Salgueiro	16,81	4,0	10,59