Mediante a Resolución reitoral do 12 de xuño de 2026 (DOG do 25 de xuño), convocáronse as probas selectivas para cubrir cinco prazas da categoría profesional de técnico/a xestor/a de tecnoloxías da información e das comunicacións, grupo II, pola quenda de promoción interna. Logo de finalizado o prazo de presentación de solicitudes,

RESOLVO:

Primeiro. Declarar aprobada e facer pública a lista provisional de persoas admitidas e excluídas pola quenda de promoción interna ás citadas probas.

Segundo. Indicar que a lista provisional de persoas aspirantes admitidas e excluídas está exposta no taboleiro electrónico da Universidade de Santiago de Compostela (en diante, USC) e na web https://www.usc.gal/gl/institucional/goberno/area/xestionpersoal/PAS/oep/listado

Terceiro. As persoas aspirantes excluídas ou que non figuren na relación de admitidas dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poder emendar os defectos que motivasen a exclusión ou a omisión.

Cuarto. Para emendar a exclusión ou a omisión cubrirase o formulario de emendas do catálogo de procedementos na ligazón https://sede.usc.es/formularios/solicitudes/emendaSelecPersoalLaboral.htm

Quinto. As persoas aspirantes que, dentro do prazo sinalado, non emenden a exclusión ou aleguen a omisión, o que xustifica o seu dereito a seren incluídas na relación de persoas admitidas, serán definitivamente excluídas da realización das probas.

Sexto. Nomear, en aplicación da base 5.1 da convocatoria, o tribunal do proceso selectivo. Este estará composto polas seguintes persoas:

Tribunal titular:

Presidente:

– Rafael Varela Pet, persoal laboral fixo do grupo I da USC.

Vogais:

– Emilio José Rodríguez Grille, persoal laboral fixo do grupo I da USC.

– Alejandro Manuel Nieto Lareo, persoal laboral fixo do grupo II da USC.

– Tomás Vilariño Fidalgo, persoal laboral fixo do grupo II da USC.

Secretaria:

– Sara López González, funcionaria de carreira da escala de xestión da USC, que actuará con voz e voto.

Tribunal suplente:

Presidente:

– José Manuel Velo García, persoal laboral fixo do grupo I da USC.

Vogais:

– María José Cabanas Rodríguez, persoal laboral fixo do grupo I da USC.

– Juan Oreiro Formoso, persoal laboral fixo do grupo II da USC.

– José Antonio Antelo Castelo, persoal laboral fixo do grupo I da USC.

Secretaria:

– Silvia María Moreira Figueiras, funcionaria de carreira da escala técnica superior da USC, que actuará con voz e voto.

Santiago de Compostela, 30 de setembro de 2026

Rosa María Crujeiras Casais
Reitora da Universidade de Santiago de Compostela