Esta resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral da Función Pública, publicada no DOG núm. 16, do 24 de xaneiro.

Mediante as resolucións do 29 de setembro de 2026 nomeáronse persoal funcionario de carreira no corpo de xestión, subgrupo A2, e no corpo administrativo, subgrupo C1, da Administración xeral da Comunidade Autónoma de Galicia, as persoas aspirantes que superaron o proceso selectivo, pola quenda de promoción interna, convocados polas resolucións do 16 de novembro de 2023 (DOG núm. 222, do 22 de novembro).

Observados erros na adxudicación de postos a persoas aspirantes convocadas á elección de postos, cómpre modificar o anexo I.

Por todo o cal, esta consellería, en exercicio das competencias que lle atribúe a Lei 2/2015, do 29 de abril, do emprego público de Galicia,

DISPÓN:

Primeiro. Modificar no anexo I do corpo de xestión, subgrupo A2, o posto adxudicado á seguinte persoa aspirante, xa que obtivo un posto con carácter definitivo no concurso de traslados:

Nº	NIF	Apelidos e nome	Posto elixido	Código do posto	Denominación	Cons.	Centro destino	Concello	Subgrupo	Nivel
1	***9250**	Pin Díaz, María Araceli	Permanece no posto	SAS050000115770015	Xefatura sección II	SA	S.X. Selección de Persoal	Santiago de Compostela	A1-A2-C1	25

Segundo. Engadir no anexo I do corpo administrativo, subgrupo C1, a seguinte persoa aspirante e adxudicarlle o posto que viña ocupando en execución do Auto xudicial 245/2026, do 30 de xullo de 2026, da Sala do Contencioso-Administrativo do Tribunal Superior de Xustiza de Galicia:

Nº	NIF	Apelidos e nome	Posto elixido	Código do posto	Denominación	Cons.	Centro destino	Concello	Subgrupo	Nivel
1	***3602**	Cabanas Grandío, Beatriz	Permanece no posto	PRC993000027640002	Xefatura de grupo	PR	Oficina comarcal (Vilalba)	Vilalba	C1-C2	14

Terceiro. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun mes, contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous meses, contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 8 de outubro de 2026

O conselleiro de Facenda e Administración Pública
P.D. (Orde do 8 de xaneiro de 2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal