Unha vez notificada a incoación de expediente e ao non levarse a cabo as limpezas das parcelas, o concelleiro delegado de Medio Ambiente adoptou os correspondentes acordos, e ao non resultar posible a súa práctica, de acordo co previsto no artigo 44 da Lei 39/2015, notifícase mediante a publicación no BOE, DOG e no taboleiro de anuncios do Concello o seguinte:

Acto que se vai a notificar	Propietario/a	Parcela catastral
Orde de execución de eliminación de maleza nun terreo sito na Salgosa (Fiolledo)	Descoñecido/a	Polígono 73, parcela 236
Orde de execución de eliminación de maleza na Feira (Corzáns)	Josefa Lago Lago	Polígono 30, parcela 7
Orde de execución de eliminación de malezas nas Arras (Cabreira)	Ramiro Bargiela	Polígono 92, parcela 174
Orde de execución de eliminación de malezas en Gandarela (Pesqueiras)	Aurora Rodríguez Pérez María Rodríguez Pérez	Polígono 06, parcelas 1435 e 1436
Orde de execución de eliminación de malezas e arboredo na rúa Castelao (Salvaterra)	Descoñecido/a	Polígono 2, parcela 322 e 323
Orde de execución de eliminación de malezas na rúa Rosalía de Castro (Salvaterra)	Descoñecido/a	Polígono 1, parcela 08085
Orde de execución de eliminación de malezas e arboredo na Queimadiña (Leirado)	Descoñecido/a	Polígono 47, parcela 92
Orde de execución de eliminación de malezas na Gaiosa (Lira)	Eduardo González Alonso e herdeiros	Polígono 52, parcela 7
Orde de execución de eliminación de malezas nas Ermidas (Salvaterra)	Hdros. Rosa Glez. Picorulo Descoñecido	Polígono 3, parcelas 562 e 563

Os propietarios son requiridos para que no prazo máximo de quince (15) días naturais, contados desde o seguinte ao da publicación deste anuncio no BOE, procedan á xestión da biomasa na parcela indicada, de conformidade cos artigos 21 e 22 da Lei 3/2007, do 9 de abril, de prevención e defensa contra os incendios forestais de Galicia, e artigos 135 e 136 da Lei 2/2016, do 10 de febreiro, do solo de Galicia.

En caso de incumprimento, poderase proceder á execución subsidiaria con repercusión dos custos de xestión da biomasa e, de ser o caso, o comiso das especies arbóreas prohibidas retiradas pola Administración, nas condicións establecidas no artigo 22 da Lei 3/2007 ou á execución forzosa mediante a imposición de multas coercitivas reiteradas cada tres (3) meses, cuxa contía será de 900 euros por hectáreas de superficie de parcela non xestionada, ou a parte proporcional se a área for inferior, mentres persista o incumprimento. En todo caso, a contía mínima que se vai impoñer por multa coercitiva será de 100 euros, con independencia das hectáreas que integren a superficie da parcela non xestionada, nas condicións establecidas no artigo 22.2 da dita Lei 3/2007, do 9 de abril, de prevención e defensa contra os incendios forestais de Galicia. Todo iso sen prexuízo da instrución do procedemento sancionador que corresponda.

O texto íntegro do documento e o resto de trámites do expediente poderán ser consultados, por comparecencia do interesado, no Departamento de Secretaría do Concello de Salvaterra de Miño para o seu coñecemento.

Salvaterra de Miño, 15 de setembro de 2026

Marta Valcárcel Gómez
Alcaldesa